Tamarind seeds: వీటి ధర చాలా తక్కువ, అవి చేసే మేలు తెలియక చాలా మంది బయట పారేస్తుంటారు. వాటి గురించి ప్రతి ఒక్కరూ తెలుసుకుంటే వదిలిపెట్టరు. సాధారణంగా చింత పండు ను తీసి చింత గింజలను పడేస్తుంటాం. అయితే చాలా మందికి ఈ చింతగింజల వల్ల ఎంత మేలు జరుగుతుందో తెలియదు. చింత గింజల వల్ల చక్కటి ప్రయోజనాలు పొందవచ్చని నిపుణులు చెబుతున్నారు.
Tamarind seeds: చింత గింజల వల్ల ఉపయోగాలు ఏమిటంటే..
చింత గింజల పొడితో పళ్లు తోముకుంటే పళ్లు అందంగా, తెల్లగా ఉంటాయి. ముఖ్యంగా ధూమపానం చేసే వాళ్లు మరియు ఎక్కువ శీతలపానీయాలు తీసుకునే వారికి ఇది బాగా ఉపయోగపడుతుంది. మీరు పళ్లు తోముకునే టప్పుడు టూత్ పేస్టుతో పాటు చింత గింజల పొడి కూడా వేసుకుని బ్రష్ చేసుకుంటే పళ్లు అందంగా మెరుస్తూ ఉంటాయి.
జీర్ణ సమస్యలతో బాధపడే వాళ్లకి చింత గింజలు బాగా ఉపయోగపడతాయి. చింత గింజల రసం త్రాగడం వల్ల అద్భుతమైన ప్రయోజనాలు పొందవచ్చు. వీటిలో ఫైబర్ అధికంగా ఉంటుంది. ఇందులో ఉండే ఫైబర్ కారణంగా జీర్ణ సమస్యలు పోతాయి. అలాగే ఈ జ్యూస్ తాగితే కొలిస్ట్రాల్ లెవల్స్ తగ్గిపోతాయి.
వీటిలో యాండీ వైరల్ గుణాలు ఉంటాయి. ఇది చర్మాన్ని ఇన్ఫెక్షన్స్ బారిన పడకుండా రక్షిస్తుంది. చింత గింజలు యూరినరీ ట్రాక్ లో సమస్యలు లేకుండా చూసుకుంటాయి. చింత గింజలు పొడిలో నీళ్లు కలుపుకుని తాగడం వల్ల డయాబిటిస్ తగ్గుతుంది. ఎక్కువ మంది షుగర్ వ్యాధితో బాధపడుతూ ఉంటారు. అటువంటి వాళ్లకు ఇది నిజంగా ఉపశమనం ఇస్తుంది. చింత గింజల్లో పొటాషియం ఎక్కువగా ఉంటుంది. దీంతో ఇది హృదయ సంబంధిత సమస్యలు కూడా చెక్ పెడుతుంది. ఇలా ఈ విధంగా చింత గింజలతో అద్భుతమైన ప్రయోజనాలను పొందవచ్చు.