తెలంగాణ ముఖ్యమంత్రి కేసీఆర్ కు దుబ్బాక ఎన్నికల సెగ గట్టిగా తగిలింది. భారతీయ జనతా పార్టీ ఘన విజయం సాధించి ఒక్కసారిగా టిఆర్ఎస్ పార్టీ వర్గాలను సందిగ్ధతలో పడేసింది. ఇలాంటి సమయంలో కేసీఆర్ తనదైన శైలిలో గెలుపుకి ప్రయత్నాలు చేస్తున్నారు వాటిలో. భాగంగా చోటుచేసుకున్న ఒక ఇంట్రెస్టింగ్ విషయానికి వస్తే…
రెండో మీటింగ్ సారాంశం ఏమి?
తెలంగాణ ముఖ్యమంత్రి కేసీఆర్ తాజాగా టాలీవుడ్ కి సంబంధించిన సినీ పెద్దలతో ఒక ముఖ్యమైన మీటింగ్ ఏర్పాటు చేశారు. అలాగే తెలుగు సినిమా ఇండస్ట్రీ లో ముఖ్యమైన పాత్ర పోషిస్తున్న చిరంజీవి, నాగార్జున వంటి వారితో సహా సి.కళ్యాణ్, దామోద్, ప్రసాద్ వంటి వారితో కూడా కెసిఆర్ భేటీ అయ్యారు. ఇక ఇండస్ట్రీ నుంచి వచ్చిన ప్రముఖులు మామూలుగానే కేసీఆర్ కు కరుణ వల్ల అందరికీ ఏర్పడ్డ నష్టం గురించి వివరించారు. అయితే ఇటువంటి మీటింగు ఒకటి కొద్ది నెలల ముందు జరగడం గమనార్హం. మరి హుటాహుటిన రెండవ మీటింగ్ సారాంశం ఏమిటో తెలియాలి….
ఆఫర్లే ఆఫర్లు….
వివరాల్లోకి వెళితే…. కేసీఆర్ ఇండస్ట్రీ పెద్దలకు సానుకూలంగా స్పందించి ఎన్నో టాక్స్ ల నుండి మినహాయింపులు ఇచ్చే లాగా మరియు కొన్ని వెసులుబాట్లు చేసేలాగా హామీ ఇచ్చారట. ఇక టాలీవుడ్ సినిమా ఇండస్ట్రీని కాపాడడానికి అన్ని రకాలుగా తమ వంతు సహాయం అందిస్తామని కేహామీ ఇచ్చినట్లు సమాచారం. ఇక అంతేకాకుండా ఇండస్ట్రీని నమ్ముకుని లక్షలాది మంది జీవనం సాగిస్తున్నారు అన్న విషయాన్ని కూడా కెసిఆర్ గమనించారు. అసలే ఇది జిహెచ్ఎంసి ఎన్నికల సమయం…. ఇలాంటి సమయంలో కేసీఆర్ స్వయంగా ప్రచారం కూడా చేస్తున్నాడు. బిజెపి పైన భారీ స్థాయిలో విమర్శలు కురిపిస్తున్నాడు. ఇంత బిజీ సమయంలో కూడా ఇండస్ట్రీ వారి బాధలను పట్టించుకుంటున్నారు అంటే కేసీఆర్ కి ఎంత గొప్ప మనసు ఉండాలి అని అంతా అనుకుంటున్నారు.
వ్యతిరేకత ఉంటుంది మరి…!
అయితే మరొక పక్క చూస్తే కథ వేరే లాగా ఉందట. ప్రతిపక్ష పార్టీ వారు ఇది కేవలం ఎన్నికల కోసం కేసీఆర్ ఆడుతున్న డ్రామా అని చెబుతున్నారు. ఇండస్ట్రీకి ఆపన్నహస్తం అందిస్తున్నట్లు చూపించి చాలా వరకూ హైదరాబాద్ ప్రజానీకాన్ని తనవైపు తిప్పుకునేందుకు ఇది ఒక అస్త్రం అని ఆరోపిస్తున్నారు. అదీ కాకుండా త్వరలోనే సినిమా థియేటర్లు కూడా తెరిచే వీలు ఉందని అంచనా వేస్తున్నారు. లేకపోతే ఇలాంటి సమయంలో ఇండస్ట్రీ వారితో అత్యవసర భేటీ ఏమిటి అని…. దుబ్బాక లో పరాజయం చెందకుండా ఉంటే అసలు వీరికి అపాయింట్మెంట్ ఎన్నికలు ముగిసేవరకు ఉండేది కాదని ఊహాగానాలు వ్యక్తం చేస్తున్నారు.
పాపం కేసీఆర్ మనసులో ఏముందో కానీ ఇటువంటి విమర్శలు మాత్రం ఆగడం లేదు… వీటన్నింటిని దాతి టిఆర్ఎస్ భారీ మెజారిటీతో విజయం సాధించాలంటే కొంచెం కష్టమైన పనే….