Harish Shankar: డైరెక్టర్ హరీష్ శంకర్ అల్లు అర్జున్ పై సంచలన వ్యాఖ్యలు చేశారు. మేటర్ లోకి వెళ్తే 2017 సంవత్సరంలో హరిష్ శంకర్ దర్శకత్వంలో అల్లు అర్జున్ హీరోగా నటించిన సినిమా “దువ్వాడ జగన్నాథం”. తాజాగా ఈ సినిమా గురించి ఓ ఇంటర్వ్యూలో హరీష్ శంకర్ మాట్లాడుతూ అల్లు అర్జున్ ఏదైనా పాత్రలో నటిస్తున్నారంటే… ఆ పాత్రకు 100% న్యాయం చేస్తారు. “దువ్వాడ జగన్నాథం” సినిమాలో బన్నీ ఒక బ్రాహ్మణుడు పాత్రలో నటించడం జరిగింది. బ్రాహ్మణులు చికెన్ తినరు కనుక వారికి ఆ గౌరవాన్ని ఇస్తూ ఆయన కూడా ఆ పాత్రలో… నటిస్తున్నంతకాలం చికెన్ ముట్టుకోలేదు అంటూ.. సరికొత్త విషయాన్ని తెలియజేయడం జరిగింది.
ఎలాంటి పాత్రలోనైనా బన్నీ పరకాయ ప్రవేశం చేసి… స్క్రీన్ మీద నట విశ్వరూపం చూపిస్తారు అని హరీష్ తెలియజేశారు. ప్రస్తుతం హరీష్ శంకర్… పవన్ కళ్యాణ్ హీరోగా “ఉస్తాద్ భగత్ సింగ్” చేస్తున్నారు. ఈ సినిమాకి సంబంధించి షూటింగ్ శరవేగంగా జరుగుతుంది. వచ్చే ఏడాది జనవరి నెలలో విడుదల కాబోతోంది. ఈ సినిమాలో పవన్ కళ్యాణ్ పోలీస్ ఆఫీసర్ పాత్రలో నటిస్తున్నారు. గతంలో హరీష్ పవన్ తో చేసిన గబ్బర్ సింగ్ సినిమాలో పోలీస్ కావటంతో మళ్లీ ఇప్పుడు అదే పాత్ర చేయడంతో ఈ సినిమాపై అభిమానులకు అంచనాలు భారీ ఎత్తున పెరిగిపోయాయి. ఇటీవల విడుదలైన టీజర్ మరింతగా పెంచేసింది. ఈ సినిమాలో పవన్ కళ్యాణ్ సరసన హీరోయిన్ గా శ్రీ లీల నటిస్తూ ఉంది.
“ఉస్తాద్ భగత్ సింగ్”లో పొలిటికల్ ఎపిసోడ్ కి సంబంధించి పవన్ కళ్యాణ్ చెప్పబోయే డైలాగులు చాలా పవర్ ఫుల్ గా ఉండబోతాయని ఇండస్ట్రీ వర్గాలు అంటున్నాయి. డైరెక్టర్ హరీష్ శంకర్ ఈ డైలాగులను చాలా విభిన్నంగా రాసినట్లు సమాచారం. పవన్ పొలిటికల్ కెరియర్ కి మైలేజ్ తీసుకొచ్చే రీతిలో ఒక అభిమానిగా హరీష్ ఈ సినిమాని తీయబోతున్నట్లు సమాచారం. సెప్టెంబర్ రెండవ తారీకు పవన్ పుట్టినరోజు కావటంతో మరో అప్డేట్ రాబోతుందని సినిమా యూనిట్ నుండి అందుతున్న సమాచారం.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!