బర్తడే కి ముందే ఫ్యాన్స్ కి సర్ప్రైజ్ ఇచ్చిన మహేష్ బాబు..!!

ఇండస్ట్రీలో సూపర్ స్టార్ మహేష్ బాబు టైం నడుస్తోంది. దాదాపు నాలుగు సంవత్సరాల నుండి సక్సెస్ మహేష్ బాబుని వెంటాడుతుంది. వరుస పెట్టి నాలుగు సినిమాలు బ్లాక్ బస్టర్ హిట్స్ అందుకున్న మహేష్.. తాజాగా నిర్మాతగా కూడా మేజర్ సినిమాతో మంచి సక్సెస్ సాధించారు. ఈ ఏడాది ప్రారంభంలోనే హీరోగా ‘సర్కారు వారి పాట” తో పాటు నిర్మాతగా “మేజర్” సినిమాతో రెండు విజయాలు అందుకోవటం జరిగింది. “సర్కారు వారి పాట” రిలీజ్ అవ్వటం విజయం సాధించడం తర్వాత మహేష్ బాబు ఫ్యామిలీతో కలిసి విదేశాలకు వెళ్లిపోవడం తెలిసిందే.

ఈ క్రమంలో త్రివిక్రమ్ సినిమా షూటింగ్ స్టార్ట్ అవ్వాల్సి ఉండగా ఇప్పటివరకు స్టార్ట్ కాలేదు. మరోపక్క ఆగస్టు 9వ తారీకు మహేష్ బర్త్డే నేపథ్యంలో ఇంకా కుటుంబంతోనే విదేశాలలోనే మహేష్ ఉంటారని ఫ్యాన్స్ భావించారు. కానీ అనూహ్యంగా పుట్టినరోజు కంటే ముందుగానే మహేష్ హైదరాబాదులోకి దిగి ఫ్యాన్స్ కి సరికొత్త సర్ప్రైజ్ ఇచ్చారు. ఇదిలా ఉంటే ఆగస్టు 9వ తారీఖు నాడు త్రివిక్రమ్ సినిమాకి సంబంధించి టైటిల్ ప్రకటించే అవకాశం ఉన్నట్లు వార్తలు వస్తున్నాయి.

అంతేకాదు ఫస్ట్ లుక్ పోస్టర్ కూడా విడుదల అయ్యే అవకాశం ఉన్నట్లు టాక్. త్రివిక్రమ్ దర్శకత్వంలో గతంలో మహేష్ అతడు, ఖలేజా రెండు సినిమాలు చేశారు. రెండిటిలో కూడా మహేష్ చాలా డిఫరెంట్ స్టైల్ లో నటించడం జరిగింది. మహేష్ కెరియర్ లో ఈ రెండు సినిమాలు నటనపరంగా మైల్ స్టోన్ గా నిలిచాయి. దీంతో “SSMB 28” వర్కింగ్ టైటిల్ తో వస్తున్న మూడో సినిమాలో మహేష్ ని త్రివిక్రమ్ ఎలా చూపిస్తాడో అనేది సస్పెన్స్ గా నెలకొంది.