నేచుర‌ల్ స్టార్ నాని హీరోగా శివ నిర్వాణ ద‌ర్శ‌క‌త్వంలో కొత్త చిత్రం డిసెంబ‌ర్‌లో ప్రారంభం కానుంది. షైన్ స్క్రీన్స్ బ్యాన‌ర్‌పై సాహు గార‌పాటి, హ‌రీష్ పెద్ది ఈ చిత్రాన్ని నిర్మిస్తున్నారు. `ఎవ‌డేసుబ్ర‌మ‌ణ్యం` వంటి సూప‌ర్‌హిట్ మూవీలో నానితో న‌టించిన రీతూవ‌ర్మ ఈ చిత్రంలో హీరోయిన్‌గా న‌టిస్తున్నారు.
నాని, శివ‌నిర్వాణ కాంబినేష‌న్‌లో రూపొందిన చిత్రం `నిన్నుకోరి` మంచి విజ‌యాన్ని సాధించిన సంగ‌తి తెలిసిందే. ఇప్పుడు అదే హిట్ కాంబినేష‌న్‌లో మ‌రో సినిమా రూపొందుతుంది. `మ‌జిలీ` వంటి సూప‌ర్‌హిట్ త‌ర్వాత శివ నిర్వాణ ద‌ర్శ‌క‌త్వంలో ఈ సినిమా తెర‌కెక్కుతుంది. డిసెంబ‌ర్ నెల‌లో సినిమా లాంఛ‌నంగా ప్రారంభించి జ‌న‌వ‌రిలో రెగ్యుల‌ర్ షూటింగ్‌ను ప్రారంభిస్తారు. ఈ చిత్రానికి సంబంధించిన న‌టీన‌టులు, సాంకేతిక నిపుణుల వివ‌రాల‌ను త్వ‌ర‌లోనే తెలియ‌జేస్తామ‌ని చిత్ర యూనిట్ తెలియ‌జేసింది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!