Pooja Hegde: తమిళ స్టార్ హీరో ఇళయ దళపతి విజయ్, పూజా హెగ్డే జంటగా తొలిసారి నటించిన చిత్రం `బీస్ట్`. డాక్టర్ ఫేమ్ నెల్సన్ దిలీప్ కుమార్ దర్శకత్వం వహించిన ఈ చిత్రాన్ని సన్ పిక్చర్స్ బ్యానర్పై కళానిధి మారన్ భారీ బడ్జెట్తో నిర్మించారు. ఈ సినిమాను తెలుగులో శ్రీ వెంకటేశ్వర క్రియేషన్స్ బ్యానర్పై దిల్ రాజు విడుదల చేయనున్నాడు.
ఇటీవలె షూటింగ్ పూర్తి చేసుకున్న ఈ చిత్రం ఏప్రిల్ 13న ప్రపంచవ్యాప్తంగా అట్టహాసంగా రిలీజ్ కాబోతోంది. ఈ నేపథ్యంలోనే చిత్ర టీమ్ విజృతంగా ప్రచార కార్యక్రమాలను నిర్వహిస్తోంది. ఇందులో భాగంగా పూజా హెగ్డే తాజాగా ఓ ఇంటర్వ్యూలో పాల్గొంది. ఈ సందర్భంగా ఆమె సినిమా విషయాలతో పాటు విజయ్పై సైతం షాకింగ్ కామెంట్స్ చేసింది.
ఇంతకీ ఆమె ఏం చెప్పిందంటే.. `విజయ్తో సినిమా చేయాలని ఎప్పటి నుంచో కల కంటున్నా. ఈ చిత్రంతో ఇది నెరవేరింది. ఈ మూవీ తప్పకుండా మంచి విజయం సాధిస్తుందని నేను బలంగా నమ్ముతున్నా. బుట్ట బొమ్మ తర్వాత ఈ సినిమాలోని ‘అరబిక్ కుత్తు’ పాట నన్నుయెంతో పాపులర్ చేసింది.` అంటూ చెప్పుకొచ్చింది.
అలాగే విజయ్ గురించి మాట్లాడుతూ.. `ఆయన చాలా ఫ్రెండ్లీ పర్సన్. చేసే పని పట్ల చూపించే అంకితభావం, కష్టపడేతత్వం నాలో స్ఫూర్తి నింపాయి. నా బర్త్డేకు విజయ్ ప్రత్యేకంగా పార్టీ ఏర్పాటు చేశారు. నాకు తెలియకుండా సర్ప్రైజ్గా ప్లాన్ చేశారు. ఆ మధుర జ్ఞాపకాలను ఎప్పటికీ మరచిపోలేను. అది నాకు చాలా ప్రత్యేకమన రోజు.` అని పూజా వివరించింది. దీంతో ఇప్పుడీమె కామెంట్స్ నెట్టింట వైరల్గా మారాయి.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!