సినిమాల్లో హీరోల మధ్య, హీరోయిన్ల మధ్య పోటీ సహజం. అలానే.. మా హీరో గొప్ప అని, మా హీరో క్రేజ్ ఇంత, కలెక్షన్లు అన్ని అని కొందరు, మా హీరోయిన్ కి గ్లామర్ ఎక్కువ, హిట్స్ ఎక్కువ అనే పోటీ కామెంట్స్ అభిమానుల్లో కూడా సహజమే. ఎన్టీఆర్, చిరంజీవి, విజయశాంతి, రమ్యకృష్ణ, నయనతార, త్రిష, సమంత.. ఇలా జనరేషన్లు, ట్రెండ్ మారినా ఫ్యాన్స్ మధ్య ఉన్న వాదనలను తగ్గించలేం. కానీ.. హీరో హీరోయిన్ల మధ్య పోటీ మాత్రం అంతా ఆన్ స్క్రీన్ పైనే. ఆఫ్ స్క్రీన్ లో అంతా స్నేహంగానే ఉంటారు. ఇది నిజమని నిరూపిస్తోంది సమంత. నయనతార పుట్టినరోజు సందర్భంగా అక్కినేని ఇంటి కోడలు చేసిన ట్వీట్ నెటిజన్లను ఆకట్టుకుంది.
నవంబర్ 18న నయనతార పుట్టినరోజు. సోషల్ మీడియాలో అభిమానులు నయన్ కు పుట్టినరోజును చాలా గ్రాండ్ గా జరిపేశారు. కానీ.. నయన్ కు సమంత పుట్టినరోజు శుభాకాంక్షలు చెప్పడమే కాదు.. అందులో నయన్ వ్యక్తిత్వాన్ని, స్త్రీ ధీరత్వాన్ని వ్యక్తం చేస్తూ చాలా స్టైలిష్ గా విష్ చేసింది. ఈ ట్వీట్ లో నయన్ ను ‘సిస్టర్’ అని సంభోదించడం విశేషం. నయన్ కు జన్మదిన శుభాకాంక్షలు చెప్తూనే.. ‘నీకు నువ్వే సాటి. వన్నె తరగని అందంతోపాటు.. మానసిక సంఘర్షణలో ఎలా గెలవాలో అని చెప్పేందుకు నువ్వే ఆదర్శం. నీ మానసిక బలానికి, సంకల్పానికి సెల్యూట్’ అంటూ ట్వీట్ చేసింది. ఈ ట్వీట్ కి నయన్, సమంత ఫ్యాన్స్ అంతా ఖుషీ అయిపోయారు. అంతగా సమంత ట్వీట్ ఆకట్టుకుంది.
ఇద్దరూ సౌత్ సినిమా ఇండస్ట్రీని ఏలేసిన వాళ్లే. తెలుగు, తమిళ భాషల్లో తమ హవా చాటుకున్న వారే. సమంత కంటే నయనతార సీనియర్. నయనతార పలు సందర్బాల్లో తన లైఫ్ కు సంబంధించి పలు నిర్ణయాలు తీసుకుని ఇబ్బందులు పడింది. కానీ.. పడి లేచిన కెరటంలా మళ్లీ దూసుకొచ్చింది. నెంబర్ వన్ స్టేటస్ పొందింది. ఇదే సమంతను ఇన్ స్పైయిర్ చేసిందని చెప్పాలి. నయన్ బర్త్ డే సెలబ్రేషన్స్ ఫొటోస్ కూడా వైరల్ అయ్యాయి.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!