Shruti Haasan: సీనియర్ స్టార్ హీరో క‌మ‌ల్ హాసన్ కుతురు శ్రుతి హాసన్ అంటే తెలియ‌ని వారుండ‌రు. చైల్డ్ ఆర్టిస్ట్‌గా కెరీర్‌ను స్టార్ట్ చేసిన ఈ బ్యూటీ.. ప్రకాష్ కోవెలమూడి ద‌ర్శ‌క‌త్వం వ‌హించిన `అనగనగా ఓ ధీరుడు` సినిమాతో హీరోయిన్‌గా తెలుగు తెర‌కు ప‌రిచ‌యం అయింది. ఈ సినిమా ఫ్లాప్ అయినా న‌టిగా శ్రుతి హాస‌న్‌కు మంచి మార్కులు ప‌డ్డాయి. అదే స‌మ‌యంలో ఆమెకు మ‌రిన్ని అవ‌కాశాలు కూడా త‌లుపు త‌ట్టాయి.
దాంతో వ‌రుస సినిమాలు చేసిన శ్రుతి హాసన్.. అన‌తి కాలంలోనే స్టార్ స్టేట‌స్‌ను ద‌క్కించుకుంది. అలాగే ఎక్కువ సక్సెస్ రేటు ఉన్న హీరోయిన్స్‌లో ఒక‌రిగా శ్రుతి గుర్తింపు పొందింది. ఈమె న‌టించింన ఓ మై ఫ్రెండ్, గబ్బర్ సింగ్, బలుపు, రామయ్యా వస్తావయ్యా, ఎవ‌డు, రేసు గుర్రం, ఆగడు, శ్రీ‌మంతుడు, క్రాక్‌, వ‌కీల్ సాబ్ చిత్రాల్లో చాలా వ‌ర‌కు హిట్సే ఉన్నాయి.
ఇక‌పోతే గ‌తంలో శ్రుతి హాసన్ ప‌లు సినిమాల‌కు నో చెప్పింది. ఈమె రిజెక్ట్ చేసిన సినిమాల్లో కొన్ని బ్లాక్ బ‌స్ట‌ర్ హిట్స్ ఉంటే.. మ‌రికొన్ని అట్ట‌ర్ ఫ్లాప్స్‌ కూడా ఉన్నాయి. అటువంటి వాటిల్లో `రెబల్` చిత్రం ఒక‌టి. పాన్ ఇండియా స్టార్ ప్ర‌భాస్ హీరోగా రాఘవ లారెన్స్ ద‌ర్శ‌క‌త్వంలో తెర‌కెక్కిన చిత్ర‌మే రెబల్. ఇందులో తమన్నా మెయిన్ హీరోయిన్‌గా న‌టించ‌గా దీక్షాసేథ్ సెకెండ్ హీరోయిన్‌గా మెరిసింది.
శ్రీ బాలాజీ సినీ మీడియా బ్యాన‌ర్‌పై భగవాన్, పుల్లారావ్ క‌లిసి నిర్మించిన ఈ సినిమాలో ప్ర‌భాస్ పెద‌నాన్న కృష్ణంరాజు కీలక పాత్ర‌ను పోషించారు. ఇక భారీ అంచ‌నాల న‌డుమ 2012లో విడుద‌లైన ఈ చిత్రం బాక్సాఫీస్ వ‌ద్ద బిగ్గెస్ట్ డిజాస్ట‌ర్‌గా నిలిచి నిర్మాత‌ల‌కు న‌ష్టాల‌ను మిగిల్చింది. అయితే ఈ సినిమాలో హీరోయిన్‌గా మొద‌ట అనుష్క‌ను తీసుకోవాల‌ని అనుకోగా.. ఆమె నో చెప్పింద‌ట. దాంతో ఈ ఆఫ‌ర్ శ్రుతి హాసన్ వ‌ద్ద‌కు వెళ్లింద‌ట. కానీ, ఇత‌ర ప్రాజెక్ట్స్ కార‌ణంగా శ్రుతి సైతం సున్నితంగా రిజెక్ట్ చేయ‌గా.. చివ‌ర‌కు త‌మ‌న్నాను ఫైన‌ల్ చేశారు. ఏదేమైన‌ప్ప‌టికీ శ్రుతి హాసన్ నో చెప్ప‌డ‌మే ఆమెకు ప్ల‌స్ అయింది. లేదంటే కెరీర్ స్టార్టింగ్‌లోనే రెబల్ వంటి భారీ ఫ్లాప్‌తో నిండా మునిగేది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!