Pawan Kalyan-Ali : టాలీవుడ్ ఇండస్ట్రీలో అత్యంత క్రేజీ హీరోగా పేరు సంపాదించుకున్న పవర్ స్టార్ పవన్ కళ్యాణ్ అంటే ఎంతో అభిమానం చూపించే వారిలో కమెడియన్ ఆలీ కూడా ఒకరు.వీరిద్దరి మధ్య ఎలాంటి స్నేహబంధం ఉందో అందరికీ తెలిసిందే. పవన్ కళ్యాణ్ నటించిన దాదాపు అన్ని సినిమాలలో అలీ తప్పకుండా కనిపిస్తారు. వీరిద్దరి మధ్య అలాంటి స్నేహబంధం ఉందని చెప్పవచ్చు. పవన్ కళ్యాణ్ సినిమాల్లోకి రాకముందు కూడా వీరిద్దరి మధ్య మంచి సాన్నిహిత్యం ఉండేది. అందుకోసమే పవన్ కళ్యాణ్ నటించిన ప్రతి సినిమాలోనూ అలీ కనిపిస్తారు. ఒకట్రెండు సినిమాల్లో మినహా అలీ పవన్ సినిమాలలో మనకు కనిపిస్తారు.
తీన్మార్ ఆడియో వేడుకలో భాగంగా అలీని ఉద్దేశించి పవన్ కళ్యాణ్ ఈ విధంగా చెప్పారు.. అలీ లేకుండా సినిమాల్లో నటిస్తే ఆ ఫీల్ కూడా ఉండదని వారిద్దరి మధ్య ఉన్న స్నేహ బంధాన్ని తెలియజేశాడు. అయితే గత రెండు సంవత్సరాల కాలం నుంచి పవన్ కళ్యాణ్ జనసేన పార్టీ , అలీ మరొక పార్టీలో ఉండటం వల్ల అలీ పై పవన్ కళ్యాణ్ కొన్ని సంచలన వ్యాఖ్యలు చేశారు. ఈ విషయంపై అలీ కూడా సీరియస్ గా స్పందించడం వల్ల గత రెండు సంవత్సరాల నుంచి వీరిద్దరు కలిసి నటించిన సినిమాలు లేవు, సందర్భాలు లేవు.
పవన్, అలీ కాంబినేషన్లో రానున్న సినిమా…
గత రెండు సంవత్సరాల నుంచి పవన్ కళ్యాణ్, ఆలీ మధ్య ఎలాంటి మాటలు లేకపోవడంతో వీరు పూర్తిగా విడిపోయారని అందరూ భావించారు. కానీ తాజాగా పవన్ కళ్యాణ్, అలీ కలిసి ఓ పెళ్లికి హాజరయ్యారు. అక్కడ వీరిద్దరూ కలిసి ఎంతో సంతోషంగా దిగిన ఫోటో ప్రస్తుతం సోషల్ మీడియాలో చక్కర్లు కొడుతోంది. ఈ ఫోటో చూసిన అభిమానులు తప్పకుండా వీరిద్దరి కాంబినేషన్లో మరో సినిమా రాబోతోందని, త్వరలోనే వీరిద్దరిని ఒకే సినిమాలో, ఓకే తెరపై చూడొచ్చని అభిమానులు భావిస్తున్నారు. అయితే ప్రస్తుతం పవన్ కళ్యాణ్ “అయ్యప్పునుమ్ కోషియుమ్”, క్రిష్ సినిమా, హరీష్ శంకర్, సురేందర్ రెడ్డి సినిమాలతో బిజీగా ఉన్నాడు. ఈ సినిమాలలో ఏ సినిమాలో అలీతో కలిసి నటిస్తారో తెలియాల్సి ఉంది.
Vaidya Visakhas: ఆ డైరెక్టర్ కి చనువు ఇస్తే అలా చేశాడు... షాకింగ్ నిజం బయటపెట్టిన బుల్లితెర యాంకర్..!