ఇంట్లో తెల్లజిల్లేడు గణపతి ఉంటే కలిగే ఫలితాలు ఇవే !
తెల్లజిల్లేడుకు హిందుమతంలో అధిక ప్రాధాన్యం ఇస్తారు. సాక్షాత్తు గణపతి స్వరూపంగా భావిస్తారు. అంతేకాదు దీన్ని సూర్యుడు, శివుడు, గణపతి ఆరాధనలలో విశేషంగా ఉపయోగిస్తారు.
అయితే ఈ తెల్లజిల్లేడుతో చేసిన గణపతిని ఇంట్లో ఎప్పుడు పెట్టుకోవాలి, ఏయే పద్ధతులు ఉపయోగిచాలో వాటి ద్వారా వచ్చే ఫలితాల గురించి తెలుసుకుందాం…
ఏ నెలలోనైనా శుక్లపక్ష చవితి లేదా బుధవారం రోజున విదియ, సప్తమి, ద్వాదశి తిథుల్లో ఏదో ఒక తిథిని ఎంచుకొని ఈ పూజను ఆరంభించవచ్చు. ముందుగా చతురస్రాకారపు పీటమీద ఎర్రని వస్త్రం పరవాలి. శ్వేతార్క గణపతి ప్రతిమకు శుద్ధోదకంతో స్నానం చేయించి, ఎర్రని వస్త్రం చుట్టి, ముందుగా సిద్ధం చేసుకొన్న పీటమీద ప్రతిష్ఠించాలి. దీపం వెలిగించి, అగరబత్తీల ధూపం సమర్పించాలి. గణపతిని సింధూరంతో అలంకరించి, కింది మంత్రాన్ని 10,000 సార్లు జపించాలి. రోజూ నిశ్చిత సంఖ్యలో జపం చేస్తూ 10,000 సంఖ్యను పూర్తి చేయాలి. ఈ జపాన్ని ఏదైనా మణిమాలతో ఆచరించాలి.
మంత్రం: ఓం గం గణపతయే నమః. జపసంఖ్య పూర్తయిన తరవాత స్వయంగా లేదా బ్రాహ్మణ పండితులతో హోమం చేయించాలి, చివరకు గణపతికి హరతి ఇవ్వాలి. ఇలా చేస్తే ఆ ఇంట ఆర్థిక కష్టాలు తొలగుతాయి. ధనం వృద్ధి చెందుతుంది.
ఇవేవి చేయలేని వారు శ్వేతార్కగణపతిని తీసుకువచ్చి సమీపంలోని దేవాలయంలో దానికి ఆవుపాలతో అభిషేకం చేయించుకుని తర్వాత బుధవారం, చవితి, సంకష్ఠ చతుర్థి లేదా శనివారం, మంగళవారంలలో ఇంట్లో పెట్టుకుని నిత్యం భక్తి, శ్రద్ధలతో పూజలు చేస్తే విజయాలు మీ సొంతం అవుతాయి. ఈతిబాధలు, రుణబాధలు తీరుతాయి.