బ్లాక్ బస్టర్ డైరక్టర్ హరీశ్ శంకర్ – బ్లాక్ బస్టర్ ప్రొడ్యూసర్ బండ్ల గణేశ్ మధ్య రీసెంట్ గా వార్ జరిగిన విషయం తెలిసిందే. గత మే నెలలో గబ్బర్ సింగ్ రిలీజ్ అయి 8ఏళ్లయిన సందర్భంగా హరీశ్ శంకర్ చేసిన ట్వీట్ లో అందరి గురించి ప్రస్తావించి నిర్మాత బండ్ల గణేశ్ గురించి ప్రస్తావించ లేదు. దీంతో ఇద్దరిమధ్య మాటల యుద్ధం జరిగింది. నేను హరీశ్ ను పవన్ కల్యాణ్ కు ఇంట్రొడ్యూస్ చేయకపోతే అవకాశం వచ్చేది కాదు.. అని బండ్ల గణేశ్.. నేను ముందే పవన్ కల్యాణ్ కు మిరపకాయ్ కధ వినిపించానని హరీశ్ కౌంటర్ ఇచ్చాడు. రీమేక్ తప్ప హరీశ్ హిట్టివ్వలేడు అని బండ్ల అంటే.. మిరపకాయ్ తో హిట్ కొట్టానని హరీశ్ మళ్లీ ఓ కౌంటర్ వేశాడు. హరీశ్ తో లైఫ్ లో సినిమా చేయనని కూడా బండ్ల అనేశాడు.
దీంతో వీరి వివాదం అప్పట్లో హాట్ టాపిక్ అయింది. ఇక వీరిద్దరూ కలవరనే అనుకున్నారు అంతా. అయితే.. బండ్ల గణేశ్ రీసెంట్ గా ఓ యూట్యూబ్ చానెల్ కి ఇచ్చిన ఇంటర్వ్యూలో ‘హరీశ్ తో గొడవ ఏమీ లేదు. ఓ ఇంట్లో అన్నదమ్ముల మధ్య గొడవలు వస్తాయి. ఒక్కోసారి తల్లిని, భార్యను, కొడుకుని కూడా తిడతాం. అంతమాత్రాన మాట్లాడుకోకుండా వదిలేసుకుంటామా. హరీశ్ తో గొడవ కూడా అంతే. ఏదో అప్పటి ఆవేశంలో ఏదో అనుకున్నాం అంతే’ అని చాలా కూల్ గా చెప్పాడు. ఈ మాటలకు చలించిపోయిన హరీశ్ బండ్లపై అభినందనపూర్వకంగా ట్వీట్ చేసాడు. దీంతో వీరిద్దరి మధ్య వార్ ముగిసినట్టయింది.
Aavesham OTT: డిజిటల్ స్ట్రీమింగ్ డేట్ ను కన్ఫామ్ చేసుకున్న ఆవేశం మూవీ.. ఈ రూ. 150 కోట్ల మూవీ స్ట్రీమింగ్ ఎక్కడంటే..!