NTR: యంగ్ టైగర్ ఎన్టీఆర్ “దేవర” సినిమా షూటింగ్ శరవేగంగా జరుగుతుంది. రెండు భాగాలుగా ఈ సినిమాని విడుదల చేస్తున్నారు. కొరటాల శివ ఈ సినిమాకి దర్శకుడిగా పనిచేస్తున్నారు. దివంగత అందాల హీరోయిన్ శ్రీదేవి కూతురు జాహ్నవి కపూర్ హీరోయిన్ గా తారక్ పక్కన నటిస్తోంది. బాలీవుడ్ స్టార్ హీరో సైఫ్ అలీ ఖాన్ విలన్ పాత్రలో నటిస్తున్నాడు. “RRR” తో ఎన్టీఆర్ కి గ్లోబల్ మార్కెట్ ఏర్పడటంతో “దేవర” సినిమాని కూడా అదే రేంజ్ లో విడుదల చేస్తున్నారు. వచ్చే ఏడాది ఏప్రిల్ నెలలో “దేవర” మొదటి పార్టు విడుదల కాబోతోంది. ఎన్టీఆర్ కెరియర్ లో ఇది 30వ సినిమా కావటంతో కొరటాల చాలా ప్రతిష్టాత్మకంగా సినిమాని తెరకెక్కిస్తున్నారు.
“ఆచార్య” సినిమా విడుదల కాకముందు వరకు ఇండస్ట్రీలో ఒక్క పరాజయం లేని దర్శకుడిగా కొరటాల కెరియర్ సాగింది. కానీ “ఆచార్య” అట్టర్ ప్లాప్ కావడంతో.. కొరటాల ఖాతాలో ఒక ఫ్లాప్ పడింది. దీంతో ఎన్టీఆర్ కి “దేవర” సినిమాతో మంచి విజయం అందించి తన సత్తా నిరూపించుకోవడానికి కొరటాల ఈ సినిమా కోసం బాగా కష్టపడుతున్నారు. ఆల్రెడీ గతంలో వీరిద్దరి కాంబినేషన్ లో “జనతా గ్యారేజ్” విడుదలయ్యి సూపర్ డూపర్ హిట్ అయింది. 2016లో వచ్చిన “జనతా గ్యారేజ్” టాలీవుడ్ బాక్సాఫీస్ వద్ద అనేక రికార్డులు క్రియేట్ చేయడం జరిగింది. అన్ని వర్గాల ప్రేక్షకులకు ఎన్టీఆర్ నచ్చేలా కొరటాల అద్భుతంగా చూపించారు. దీంతో “దేవర” సినిమాపై ఎన్టీఆర్ అభిమానులు భారీ అంచనాలు పెట్టుకోవడం జరిగింది
ఇదిలా ఉంటే మరో 10 రోజులలో కొత్త సంవత్సరం రాబోతున్న సంగతి తెలిసిందే. ఈ సందర్భంగా న్యూ ఇయర్ కానుకగా “దేవర” గ్లింప్స్ విడుదల చేయటానికి మేకర్స్ ప్లాన్ చేస్తున్నారట. అయితే న్యూ ఇయర్ కానుకగా లేదా సంక్రాంతి లోపు విడుదల చేసే అవకాశం ఉన్నట్లు ఇండస్ట్రీ వర్గాలు అంటున్నాయి. “RRR” 2022లో విడుదల అయింది. 2023లో ఎన్టీఆర్ సినిమా ఒకటి రాలేదు. దీంతో “దేవర” విడుదల కోసం ఫ్యాన్స్ ఎంతో ఆసక్తిగా ఎదురుచూస్తున్నారు.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!