Allu Arjun: ఐకాన్ స్టార్ అల్లు అర్జున్ సినిమా “పుష్ప” 2021 డిసెంబర్ నెలలో విడుదలయ్యింది. పాన్ ఇండియా నేపథ్యంలో విడుదలైన పుష్ప ప్రపంచాన్ని ఒక ఊపు ఊపింది. ఈ సినిమాలో డైలాగులు డాన్స్ బన్నీ మేనరిజం… ప్రపంచం మొత్తాన్ని ఆకట్టుకుంది. ఇంతటి ఘన విజయం కలుగుతుందని మేకర్స్ కూడా ఊహించలేదు. దీంతో ఇప్పుడు “పుష్ప 2” ప్రాజెక్టునీ చాలా ప్రతిష్టాత్మకంగా తెరకెక్కిస్తున్నారు. సినిమా షూటింగ్ శరవేగంగా జరుగుతుంది. అంతేకాదు వచ్చే ఏడాది ఆగస్టు 15వ తారీకు సినిమా రిలీజ్ చేస్తున్నట్లు కూడా అధికారిక ప్రకటన చేయడం జరిగింది. ఇలాంటి సమయంలో కేశవ్ పాత్ర చేసిన నటుడు జగదీష్ ఓ అమ్మాయి కేసులో జైలు పాలు కావటం సినిమా యూనిట్ కి టెన్షన్ పుట్టిస్తుంది.
“పుష్ప” మొదటి భాగంలో అల్లు అర్జున్ పక్కనే ఉండే కేశవ పాత్ర ప్రేక్షకులకు బాగా కనెక్ట్ అయింది. కానీ సెకండ్ పార్ట్ లో అతడి పాత్రకి సంబంధించి ఎలాంటి సన్నివేశాలు షూట్ చేయలేదు అంట. అయితే నటుడు జగదీష్ అరెస్ట్ కావటంతో అతడికి బెయిల్ తీసుకురావడానికి సినిమా మేకర్స్ రకరకాల ప్రయత్నాలు చేస్తున్నారు. ఇదిలా ఉంటే మరో పక్క “పుష్ప” రెండో భాగం సినిమా అయిన వెంటనే అల్లు అర్జున్ కోలీవుడ్ స్టార్ డైరెక్టర్ అట్లీ దర్శకత్వంలో సినిమా చేయడానికి సిద్ధమైనట్లు సరికొత్త వార్త ఇండస్ట్రీలో వినబడుతుంది.
ఇటీవల అట్లీ బాలీవుడ్ బాదుషా షారుక్ ఖాన్ తో “జవాన్” సినిమా తీసి బ్లాక్ బస్టర్ అందుకున్నాడు. అట్లీ మంచి ఫామ్ లో ఉన్నాడు. కొద్ది రోజుల క్రితం బన్నీకి స్టోరీ వినిపించినట్లు లాక్ చేసినట్లు టాక్. అంతేకాదు ఈ సినిమాకి అనిరుద్ సంగీతం అందించబోతున్నట్లు సమాచారం. దీంతో అట్లీ, అల్లు అర్జున్, అనిరుద్..AAA కాంబినేషన్ అంటూ సోషల్ మీడియాలో వార్తలు వైరల్ అవుతున్నాయి. పాన్ ఇండియా నేపథ్యంలో అల్లు అర్జున్ కెరియర్ లోనే ఇది భారీ బడ్జెట్ తరహా సినిమా అని వార్తలు వస్తున్నాయి.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!