Hatya Movie Review: విజయ్ ఆంటోని పేరు వినగానే ఎవరికైనా ‘బిచ్చగాడు’ సినిమా తప్పకుండా గుర్తుకు వస్తుంది. ఆ సినిమాలో ఆయన నటన కళ్లముందు కదలాడుతుంది. ఈ సినిమా తరువాత తన సినిమాలను కొన్నిటిని తమిళంతో పాటు తెలుగులోను విడుదల చేశాడుగానీ అవి అంతగా ఆడలేదు. ఆయన సినిమాలు కొంత విభిన్నంగా ఉంటాయనే పేరు మాత్రం వచ్చింది.
ఆయన తాజా చిత్రంగా తమిళంలో ‘కొలై’ రూపొందింది. తెలుగులో ‘హత్య’ గా అనువదించారు. పేరు ను బట్టి ఈ కథ ఒక హత్య చుట్టూ తిరుగుతుందనే విషయం అర్థమవుతూనే ఉంది. యథార్థ సంఘటన ఆధారంగా ఈ సినిమా నిర్మితమైంది. కమల్ బొహ్ర .. ధనుంజయన్ .. ప్రదీప్ నిర్మించిన ఈ సినిమాకి బాలాజీ కుమార్ దర్శకత్వం వహించాడు.
కద టూకీగా ఏమిటంటే హైదరాబాద్లో గాయని గాను మోడల్గాను రాణిస్తున్న లైలా (మీనాక్షి చౌదరీ)కి సతీష్ (సిద్దార్థ శంకర్) అనే బాయ్ఫ్రెండ్ ఉంటాడు. లైలా జీవితం హాయిగా గడిచిపోతున్న సమయంలో ఆమె తన ఇంట్లోనే హత్యకు గురవుతుంది. ఈ హత్య చాలా అనుమానాలను రేకెత్తిస్తుంది. పోస్టమార్టం రిపోర్ట్ లో ఎవరో పీక నులిమి చంపినట్లు ఉంటుంది. ఈ హత్య ఒక పెద్ద సంచలనాన్ని సృష్టిస్తుంది. ఎలాంటి ఆధారాలు దొరకని ఆ కేసును దర్యాప్తు చేయడానికి పోలీస్ అధికారిణి సంధ్య (రితికా సింగ్) నియమించ బడుతుంది. ఆవిధంగా సంధ్య రంగంలోకి దిగుతుంది. సంధ్య దర్యాప్తు లో సహకరించమని పోలీస్ విచారణాధికారి వినాయక్ (విజయ్ ఆంటోని)ని కోరగా అతను సిద్ధం అవుతాడు
మోడల్ లైలా హత్యకు అసలు కారణం ఏమిటి? లైలా హత్యకు వరంగల్లో జరిగిన భవానీ హత్య కు సంబంధం ఉందా? లైలా హత్య కేసులో కౌశిక్ (మురళీ శర్మ)ను ఎందుకు అనుమానించారు? ఫ్యాషన్ ఫోటోగ్రాఫర్ అర్జున్ వాసుదేవ్ (అర్జున్ చిదంబరం)కు సంబంధం ఉందా? తనను పెంచిన మహిళ కుమారుడు బబ్లూ (కిషోర్ కుమార్)కు లైలా హత్య కు సంభందం ఉందా? లైలా హత్య కేసు చిక్కు ముడిని సంధ్య, వినాయక్ ఎలా ఛేదించారు అనే ప్రశ్నలకు సమాధానమే హత్య సినిమా కథ.
హత్య సినిమాలో వచ్చే కొన్ని పరిశోధన సన్నివేశాలు చాలా ఆసక్తి గా ఉండే అంశాలు. అలాగే క్లైమాక్స్ మెలిక కూడా ఊహకు అందలేదు. దర్శకుడు బాలాజీ కె కుమార్ రాసుకున్న క్రైమ్ డ్రామా కొన్ని చోట్ల ఆసక్తిగా సాగింది. ముఖ్యంగా సినిమాలో క్లైమాక్స్ ఆకట్టుకుంది. రితికా సింగ్ సీరియస్ పోలీస్ అధికారిణిగా నటన బావుంది . ఇక విజయ్ ఆంటోని నటన హావభావాలు కూడా చాలా బాగున్నాయి.
క్రైమ్ అండ్ సీరియస్ సన్నివేశాల్లోని విజయ్ ఆంటోని నటన సినిమాకే హైలైట్ గా నిలిచింది. కథ రీత్యా హీరోయిన్ మీనాక్షి చౌదరి పాత్రకు అంత పెద్దగా నటించే అవకాశం లేకున్నప్పటికీ ఆమె మెప్పించింది. రాదికా శరత్కుమార్ నటన బాగుంది. అలాగే, మురళీ శర్మ, సిద్ధార్థ శంకర్, కిషోర్ కుమార్ తదితరులు తమ పాత్రలకు న్యాయం చేశారు. దర్శకుడు ఓ హత్య చుట్టూ అనేక కోణాల్లో సినిమాని నడిపిన విధానం కొన్ని చోట్ల బాగుంది. హత్య సినిమా ఉత్కంఠ కలిగించే హత్య లోని గోప్యత లాంటి కావాల్సిన అన్ని అంశాలతో ఆసక్తిగా ప్రారంభమవతుుంది. అయితే కథను సరైనా మార్గంలో నడిపించడంలో దర్శకుడు దారి తప్పారనే భావన కలుగుతుంది. కొన్ని దృశ్యాలతో ఫస్టాఫ్ కొంత ఆసక్తి కలిగేలానే సాగుతుంది. కదా లోని చిన్న మెలిక హత్య సినిమా రెండో భాగం పై కుతూహలాన్ని పెంచుతుంది. కానీ వైవిధ్యమైన కధనంతో ఆకట్టుకొనే ప్రయత్నం అంతగా ఫలించలేదు అ ని ట్రరలోనే మనకి తెలుస్తుంది . అర్జున్, కౌశిక్, బబ్లూ కోణంలో హత్య ఎలా జరిగిందనే విషయంపై కథను నడిపించడం ఆకట్టుకోలేదనే చెప్పాలి. చివరకు సినిమాను ముగించాలనే తొందర్లలో ఏదో ఒకటి చేసి హత్య కేసును ముగించే ప్రయత్నం జరిగిందనిపిస్తుంది. కేసు దర్యాప్తు పేరుతో సినిమాను బాగా సాగదీశారనే భావన కలుగుతుంది.
ఈ సినిమా నటీనటుల అభినయమ్ విషయానికి వస్తే.. మీనాక్షి చౌదరీ అందంతో బాగానే ఆకట్టుకొన్నది. ఆమె పాత్ర ను తొందరగా ముగించినప్పటికీ.. మీనాక్షి కథ మొత్తంగా కనిపిస్తుంది. అయితే మీనాక్షికి నటనను ప్రదర్శించడానికి అవకాశం లేకపోయింది. రితికా సింగ్ పోలీస్ ఆఫీసర్గా కూడా పర్వాలేదు అనిపించింది. కథ, సన్నివేశాల్లో పస లేకపోవడంతో రితికా చేయడానికి ఏమీ లేకపోయింది. విజయ్ ఆంటోని పరిస్థితి కూడా అలానే ఉంటుంది. ఒక విభిన్నమైన పాత్రలో విజయ్ మెప్పించే ప్రయత్నం చేశారనిపిస్తుంది. మిగితా పాత్రల్లో నటించిన వారు తమ పాత్రల పరిధి మేరకు చేశారు.
సాంకేతికంగా చూస్తే , కథ, కథనంలో వేగం, బలం లేకపోవడం వల్ల సంగీతం, కెమెరా విభాగాలకు ఎక్కువగా శ్రమించాల్సి వచ్చింది. సాంకేతికంగా ప్రేక్షకులకు మంచి అనుభూతిని పంచే ప్రయత్నం కనిపించింది. ఎడిటింగ్ విభాగానికి ఇంకా చాలా పని ఉందనిపిస్తుంది. సినిమాలో నిర్మాణాత్మక విలువలు బాగున్నాయి. సస్పెన్స్, థ్రిల్లర్ సినిమాలు ఇష్టపడే వారికి, విజయ్ ఆంటోని ఫ్యాన్స్కు ఈ సినిమా తప్పకుండా నచ్చుతుంది. ఇది బిచ్చగాడు అంత హిట్ కాదేమో అనిపిస్తుంది. ఒకసారి చూడతగిన సినిమాయీ హత్య.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!