`కాంతార`.. ఇటీవ‌ల తెలుగులో విడుద‌లైన క‌న్న‌డ డ‌బ్బింగ్ చిత్రం. యంగ్ స్టార్ రిషబ్ శెట్టి రచించి, దర్శకత్వం వహించి, నటించిన ఈ చిత్రాన్ని హోంబాలే ఫిల్మ్స్ బ్యాన‌ర్‌పై నిర్మించారు. ఇందులో సప్తమిగౌడ హీరోయిన్‌గా న‌టించింది.
కిషోర్ కుమార్‌, అచ్యుత్‌ కుమార్‌, ప్రమోద్‌శెట్టి తదితరులు కీల‌క పాత్ర‌ల‌ను పోషించారు. క‌న్న‌డలో ఈ చిత్రం మంచి విజ‌యం సాధించ‌డంతో.. మిగిలిన భాష‌ల్లో కూడా విడుద‌ల చేశారు. అయితే అన్ని భాష‌ల్లోనూ ఈ చిత్రానికి అద్భుత‌మైన రెస్పాన్స్ వచ్చింది. ముఖ్యంగా తెలుగులో ఈ సినిమా బాక్సాఫీస్ వ‌ద్ద క‌లెక్ష‌న్ల ప‌రంగా దుమ్ము దులిపేస్తోంది.
తెలుగులో ఈ చిత్రానికి రూ. 2 కోట్ల రేంజ్‌లో బిజినెస్ జ‌ర‌గ‌గా.. రూ. 2.3 కోట్ల బ్రేక్ ఈవెన్ టార్గెట్‌తో ఈ మూవీ బ‌రిలోకి దిగింది. అయితే తొలి రోజు టార్గెట్‌ను రీచ్ అయిన ఈ చిత్రం.. ప‌ది రోజుల‌ను పూర్తి చేసుకునే స‌మ‌యానికి రూ. 12 కోట్ల‌కు పైగా లాభాల‌ను సొంతం చేసుకుంది. 10వ రోజు కూడా ఈ చిత్రం రూ. 1.2 కోట్ల రేంజ్ లో షేర్ ని సొంతం చేసుకుని అంద‌రినీ ఆశ్చ‌ర్య‌ప‌రిచింది. ఇక ఏరియాల వారీగా కాంతార 10 రోజుల క‌లెక్ష‌న్స్‌ను ఓసారి గ‌మ‌నిస్తే..
నిజాం: 6.68 కోట్లు
సీడెడ్: 1.92 కోట్లు
ఉత్త‌రాంధ్ర: 1.98 కోట్లు
తూర్పు: 1.19 కోట్లు
పశ్చిమ: 77 ల‌క్ష‌లు
గుంటూరు: 99 ల‌క్ష‌లు
కృష్ణ: 99 ల‌క్ష‌లు
నెల్లూరు: 61 ల‌క్ష‌లు
———————————-
ఏపీ+తెలంగాణ= 15.13 కోట్లు(27.60 కోట్లు~ గ్రాస్‌)
———————————-
కాగా, ప‌ది రోజులు పూర్తి అయ్యే స‌మ‌యానికి రూ. 15.13 కోట్ల షేర్ వ‌సూల్ చేసిన ఈ చిత్రం.. రూ. 12.83 కోట్ల లాభాల‌తో దూసుకుపోతోంది. మ‌రి ఇక‌పై ఈ సినిమా ఇంకెన్ని వ‌సూళ్ల‌ను రాబ‌డుతుందో చూడాలి.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!