టాలీవుడ్ యంగ్ హీరో నిఖిల్, అనుపమ పరమేశ్వరన్ జంట‌గా న‌టించిన తాజా చిత్రం `కార్తికేయ 2`. పీపుల్స్ మీడియా ఫ్యాక్ట‌రి, అభిషేక్ అగర్వాల్ ఆర్ట్స్ బ్యాన‌ర్ల‌పై టీజీ విశ్వప్రసాద్, అభిషేక్ అగర్వాల్ నిర్మించిన ఈ చిత్రానికి చందు మొండేటి ద‌ర్శ‌క‌త్వం వ‌హించాడు. 2014లో విడుద‌లైన బ్లాక్ బ‌స్ట‌ర్ హిట్ `కార్తికేయ`కు ఇది సీక్వెల్‌.
ఇందులో అనుపమ్‌ ఖేర్‌, ఆదిత్య మీనమ్‌, కేఎస్‌ శ్రీధర్‌, శ్రీనివాస రెడ్డి త‌దిత‌రులు ముఖ్య పాత్ర‌ల‌ను పోషించారు. ఎప్పుడో షూటింగ్ కంప్లీట్ చేసుకున్న ఈ చిత్రం.. వాయిదా ప‌డుతూ ప‌డుతూ చివ‌రాఖ‌ర‌కు ఆగ‌స్టు 13న అట్ట‌హాసంగా విడుద‌లైంది. మొద‌టి ఆట నుండే ఈ మూవీకి పాజిటివ్ రివ్యూలు వెల్లువెత్తాయి.
`కార్తికేయ`ను మించి `కార్తికేయ 2` ఉంద‌ని, నిఖిల్ ఖాతాలో మ‌రో హిట్ ఖాయ‌మంటూ సినీ ప్రియులు ప్ర‌శంస‌ల వ‌ర్షం కురిపించారు. ఇక టాక్ బాగుండ‌టంతో.. తొలి రోజు ఈ చిత్రం బాక్సాఫీస్ వ‌ద్ద దుమ్ము దులిపేసింది. తెలుగు రాష్ట్రాల్లో రూ. 3.50 కోట్ల రేంజ్‌లో షేర్‌ను వ‌సూల్ చేసిన ఈ చిత్రం.. వరల్డ్ వైడ్‌గా రూ. 5.05 కోట్ల షేర్‌ను ద‌క్కించుకుంది. ఇక ఏరియాల వారీగా `కార్తికేయ 2` టోటల్ క‌లెక్ష‌న్స్‌ను ఓ సారి గ‌మ‌నిస్తే..
నైజాం: 1.24 కోట్లు
సీడెడ్: 0.40 కోట్లు
ఉత్త‌రాంధ్ర: 0.45 కోట్లు
తూర్పు: 0.33 కోట్లు
పశ్చిమ: 0.20 కోట్లు
గుంటూరు: 0.44 కోట్లు
కృష్ణ: 0.27 కోట్లు
నెల్లూరు: 0.17 కోట్లు
—————————–
ఏపీ+తెలంగాణ= 3.50 కోట్లు(5.30కోట్లు~ గ్రాస్)
—————————–
క‌ర్ణాట‌ఖ+రెస్టాఫ్ ఇండియా – 0.25 కోట్లు
ఓవ‌ర్సీస్ – 1.30 కోట్లు
——————————–
టోటల్ వరల్డ్ వైడ్= 5.05 కోట్లు(8.50 కోట్లు~ గ్రాస్)
——————————–
కాగా, ప్ర‌పంచ‌వ్యాప్తంగా రూ. 12.80 కోట్ల రేంజ్‌లో ప్రీ రిలీజ్ బిజినెస్ చేసిన ఈ చిత్రం.. రూ. 13.30 కోట్ల బ్రేక్ ఈవెన్ టార్గెట్‌తో బ‌రిలోకి దిగుతోంది. దీంతో ఈ మూవీని క్లీన్ హిట్‌గా నిల‌వాలంటే తొలి రోజు వ‌చ్చిన క‌లెక్ష‌న్స్ కాకుండా.. ఇంకా రూ. 8.25 కోట్ల షేర్‌ను రాబ‌ట్టాల్సి ఉంది. సినిమాకు ఎలాగో పాజిటివ్ టాక్ వచ్చింది కాబ‌ట్టి.. నిఖిల్ ఈ టార్గెట్ ను చాలా ఈజీగా రీచ్ అవుతాడు అన‌డంలో సందేహ‌మే లేదు.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!