న్యాచుర‌ల్ స్టార్ నాని ఇటీవ‌లె `అంటే.. సుంద‌రానికీ`తో ప్రేక్ష‌కుల‌ను ప‌ల‌క‌రించిన సంగ‌తి తెలిసిందే. టాక్ బాగున్నా.. క‌మ‌ర్షియ‌ల్‌గా ఈ మూవీ హిట్ అవ్వ‌లేదు. ఓటీటీలో మాత్రం సూప‌ర్ స‌క్సెస్ అయింది. ప్ర‌స్తుతం నాని `ద‌స‌రా` అనే మూవీ చేస్తున్నాడు. ఓట్ అండ్ ఓట్ మాస్ క‌మ‌ర్షియ‌ల్ ఎంట‌ర్టైన‌ర్‌గా రూపుదిద్దుకుంటున్న చిద్ర‌మిది.
ఈ సినిమాతో శ్రీకాంత్ ఓదెలా దర్శ‌కుడిగా ప‌రిచ‌యం అవుతుండ‌గా.. జాతీయ అవార్డు గ్ర‌హీత కీర్తి సురేష్ హీరోయిన్‌గా న‌టిస్తోంది.శ‌ర‌వేగంగా షూటింగ్ కంప్లీట్ చేసుకుంటున్న ఈ చిత్రం.. త్వ‌ర‌లోనే విడుద‌ల కానుంది. ఇదిలా ఉంటే.. నాని తాజాగా ఓ మ‌ల్టీస్టార‌ర్ చిత్రానికి గ్రీన్ సిగ్నల్ ఇచ్చాడ‌ట. నానికి మ‌ల్టీస్టార‌ర్ చిత్రాలు ఏమీ కొత్త కాదు.
గ‌తంలో నిన్నుకోరి, దేవ‌దాసు, వి ఇలా ప‌లు మ‌ల్టీస్టార‌ర్స్ చేసిన నాని.. ఇప్పుడు మ‌రో చిత్రానికి ఓకే చెప్పాడ‌ని తాజాగా ఓ టాక్ బ‌య‌ట‌కు వచ్చింది. `సూరారై పొట్రు(తెలుగులో ఆకాశం నీ హద్దురా)` మూవీతో మంచి గుర్తింపు సంపాదించుకున్న ద‌ర్శ‌కురాలు సుధ కొంగరతో `కేజీఎఫ్‌`ను నిర్మించిన ప్ర‌ముఖ నిర్మాణ సంస్థ హోంబలే ఫిలిమ్స్ ఓ మూవీ చేయ‌బోతోంది.
ఇందులో కోలీవుడ్ స్టార్ సూర్య, మాలీవుడ్ స్టార్ దుల్కర్ సల్మాన్ హీరోలుగా న‌టించ‌బోతున్నారు. అయితే ఇందులో మ‌రో హీరో పాత్ర కూడా ఉంటుంద‌ట. ఆ పాత్ర కోసం టాలీవుడ్ స్టార్ నానీని సంప్ర‌దించి క‌థ చెప్ప‌గా.. అది న‌చ్చ‌డంతో ఆయ‌న వెంట‌నే ఓకే చెప్పిన‌ట్లు ఓ వార్త బ‌య‌ట‌కు వచ్చింది. అంతేకాదు, త్వ‌ర‌లోనే ఈ ప్రాజెక్ట్‌ను అధికారికంగా అనౌన్స్ చేయ‌నున్నార‌ట. మ‌రి ఆ ప్ర‌క‌ట‌న వ‌స్తే గానీ.. ఈ వార్త ఎంత నిజ‌మో తెలియ‌దు.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!