The Raja Saab: పాన్ ఇండియా సూపర్ స్టార్ ప్రభాస్ నటించిన “ది రాజా సాబ్” షూటింగ్ శరవేగంగా జరుగుతుంది. డైరెక్టర్ మారుతి ఈ సినిమాకి దర్శకత్వం వహిస్తున్నారు. ఇటీవల సంక్రాంతి పండుగ సమయంలో టైటిల్ తో కూడిన ఫస్ట్ లుక్ పోస్టర్ రిలీజ్ చేయడం జరిగింది. ఈ పోస్టర్ లో ప్రభాస్ లుంగీ కట్టుకొని కనిపించడం అభిమానులను ఎంతగానో ఆకట్టుకుంది. అయితే ఈ సినిమా రిలీజ్ గురించి రకరకాల వార్తలు బయట ప్రచారంలో ఉన్నాయి. ఈ క్రమంలో “ది రాజా సాబ్” నిర్మాత విశ్వ ప్రసాద్ అప్డేట్ ఇచ్చారు. ఈ సినిమాని వచ్చే ఏడాది సంక్రాంతికి విడుదల చేసే అవకాశం ఉందని తెలిపారు.
ప్రభాస్ మూవీకి ముందే బుక్ చేసుకోవాల్సిన అవసరం లేదని ఆయన రంగంలోకి దిగితే ఆటోమేటిక్ గా స్లాట్ రెడీ అయిపోతుందని పేర్కొన్నారు. ఫిబ్రవరిలో మరో అప్డేట్ ఇస్తామని ఈ క్రమంలో రిలీజ్ తేదీకి సంబంధించి కూడా కొత్త అప్డేట్ ఇవ్వబోతున్నట్లు స్పష్టం చేశారు. వరుసపరాజయాలలో ఉన్న ప్రభాస్ గత ఏడాది “సలార్” సినిమాతో అద్భుతమైన విజయాన్ని తన ఖాతాలో వేసుకోవడం జరిగింది. 2023 ఏడాదిలో అత్యధికమైన కలెక్షన్స్ సాధించిన సినిమాగా “సలార్” నిలిచింది. పాన్ ఇండియా నేపథ్యంలో విడుదలైన ఈ సినిమా అన్ని వర్గాల ప్రేక్షకులను అలరించడం జరిగింది. ప్రభాస్ ప్రస్తుతం “రాజా సాబ్” సినిమాతో పాటు…నాగ్ అశ్విన్ “కల్కి” ప్రాజెక్ట్స్ చేస్తున్నారు. “కల్కి” ఈ వేసవి కాలంలో రిలీజ్ కానుంది.
ప్రభాస్ కెరియర్ లోనే ఇది అత్యంత హై బడ్జెట్ సినిమా. ప్రభాస్ గతంలో మాదిరిగా సినిమాకి ఎక్కువ నెలలు కేటాయించడం లేదు. గతంలో చాలా సినిమాలకి కొన్ని సంవత్సరాలు టైం కేటాయించి పరాజయాలు చూడటం జరిగింది. కానీ “సలార్” నుండి ఒకపక్క ఒక సినిమా చేస్తూ మరోపక్క ఇతర ప్రాజెక్టులు కూడా మొదలుపెట్టి స్పీడ్ పెంచడం జరిగింది. ఒకపక్క ఈ ప్రాజెక్టులు చేస్తూనే మరో ప్రక్క ఈ ఏడాది సలార్ సెకండ్ పార్ట్ స్టార్ట్ అయ్యే అవకాశం ఉన్నట్లు వార్తలు వస్తున్నాయి.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!