Pala Pandlu: పాలకాయలు, పాలపండ్లు తీయగా చాలా కమ్మటి రుచిని కలిగి ఉంటాయి.. వీటిలో ఉండే అనేక రకాల పోషకాలు మన శరీరానికి చాలా మేలు చేస్తాయి. ఈ చెట్లు మన తెలుగు రాష్ట్రాల అడవులలో విరివిగా పెరుగుతాయి.. వేసవి కాలంలో ఈ చెట్లు పండ్లను అందిస్తాయి.. ఈ చెట్టు కర్రతోనే రోకలి బండను తయారు చేస్తారు.. ఒక్కసారి ఈ కాయల రుచి చూస్తే అస్సలు వదిలిపెట్టరు..!
పాలపండ్ల లో విటమిన్ ఎ, బి, సి, ఇ కెరటినాయిడ్స్, ఫోలేట్, కాల్షియం, మెగ్నీషియం, జింక్, ఐరన్, యాంటీ ఆక్సిడెంట్స్ సమృద్ధిగా లభిస్తాయి.. పాలపండ్లను డ్రైఫ్రూట్స్ కూడా తినవచ్చు. ఈ కాయలు తింటే రోగనిరోధకశక్తిని పెంపొందిస్తాయి. ఇది మన శరీరంలో ఉన్న వేడిని పోగొట్టి శరీరాన్ని చల్లబరుస్తాయి. వీటిని తీసుకోవడం వలన మన ఆరోగ్య గల శక్తి పెరుగుతుంది. సంవత్సరంలో ఒక్క నెలలో లభించే ఈ పండ్లను తింటే కీళ్ళ నొప్పులు మటుమాయం.
ఈ పండ్లు తినడం వలన మన శరీరంలోని రక్తాన్ని శుద్ధి చేస్తాయి. రక్తప్రవాహంలో ఉండే అడ్డంకులను తొలగిస్తుంది. రక్త వృద్ధిని కలిగిస్తుంది. పాల కాయలు తినడం వలన అన్నిరకాల దంత సమస్యలను నివారించి దంతాలు దృఢంగా ఉండేలా చేస్తుంది. పాలకాయల నుంచి వచ్చే పాలలో ఎన్నో ఔషధ గుణాలు ఉన్నాయి. ఈ పండ్లలో ఉండే యాంటీ వైరల్, యాంటీ బ్యాక్టీరియల్ గుణాలు.. సంవత్సరం పొడుగూతా అనేక అనారోగ్య సమస్యల బారిన పడకుండా అడ్డుకుంటాయి. పాల పండ్లు చర్మ ఆరోగ్యాన్ని మెరుగుపరుస్తాయి. ఇందులో ఉండే విటమిన్ ఏ దృష్టి లోపాలు తలెత్తకుండా చేస్తాయి. పాలకాయ లో ఉన్న ఈ విషయం మన ఎముకలను బలంగా ఉంచుతుంది. ఇందులో ఉండే యాంటీ ఆక్సిడెంట్లు క్యాన్సర్ రాకుండా అడ్డుకుంటుంది. ఈ కాయలు తినడం వలన తక్షణ శక్తిని అందించడంతో పాటు మెదడు పనితీరును మెరుగుపరుస్తుంది. బరువు తగ్గడానికి దోహదపడుతుంది.