ఆహార నియమాల వల్ల త్వరితగతిన బరువు తగ్గడం అంత సులభం కాదని, వైద్యులు చెప్తున్నారు. కేవలం అనారోగ్య సమస్యల కారణంగానే ఈ పరిస్థితి ఏర్పడుతుంది. ఆరు నెలల్లోపు మీ శరీరం బరువు 5 శాతం కోల్పోతే , దానిగురించి ఆందోళన గా ఉండాలి . అప్పుడే వైద్యుడి దగ్గరకు వెళ్ళాలి . అకస్మాత్తుగా ఎక్కువ బరువు తగ్గడానికి గల కారణం తెలుసుకుని ,పరీక్ష చేయించుకోవాలి. ఆహరం లో మార్పు లేదా శారీరక శ్రమ చేయకుండా ఆకస్మిక బరువు తగ్గడం జరిగితే మాత్రం ,కారణం ఏంటో తెలుసుకోవాలి.
బరువు తగ్గడంహైపర్ థైరాయిడిజం యొక్క సాధారణ లక్షణం. ఆకస్మిక బరువు తగ్గడానికి ఇది ఒక ప్రదాన కారణం కావొచ్చు. తీవ్రమైన మానసిక ఒత్తిడితో ఉండేవారు కూడా ఉన్నట్టుండి బరువు తగ్గిపోతారు. కండరాల బలహీనంగా మారితే ఉన్నట్టుండి సడెన్ గా బరువు తగ్గుతారు. ఎముకలు విరగడం, దెబ్బలు తాకడం, వయస్సు మీద పడటం, స్ట్రోక్స్, కీళ్ల నొప్పులు, నరాలు దెబ్బతినడం వంటి కారణాల వల్ల కండరాలు బలహీనం గా మారి తద్వారా బరువు తగ్గిపోతారు.
టైప్ 1 డయాబెటిస్ తో బాధపడేవారు కూడా త్వరగా బరువు తగ్గిపోతారు. ఇన్ఫ్లామేటరీ బౌల్ డిసీజ్(ఐ బి డి ) సమస్యతో బాధపడేవారు కూడా త్వరగా బరువు తగ్గుతారు. ఈ క్రమం లో ఇలాంటి వారికి విరేచనాలు, కడుపు నొప్పి, గ్యాస్, మలంలో రక్తం పడడం, అలసట వంటి సమస్యలుంటాయి. క్రానిక్ అబ్స్ట్రక్టివ్ పల్మనరీ డిసీజ్(సి ఓ పి డీ ) ఉన్నవారు కూడా సడన్ గా బరువు తగ్గుతారు. కేన్సర్ వ్యాధి బారినపడినవారు కూడా తక్కువ సమయంలోనే ఎక్కువగా బరువు తగ్గుతారు.