Harvard Experts: మనిషి శరీరాన్ని కంట్రోల్ చేసేది మెదడే..! పిల్లల నుంచి పెద్దల వరకు ఒత్తిడి, ఆందోళన తగ్గించుకుని.. మెదడు పనితీరును మెరుగు పరుచుకునేందుకు పోషకాహారాన్ని తీసుకోవాలి..! కాలేయం, గుండె, మూత్రపిండాల పనితీరు నియంత్రించే శక్తి ఒక్క మెదడుకే ఉంటుంది.. హార్వర్డ్ యూనివర్శిటీ పరిశోధకులు మెదడు ఆరోగ్యం కోసం చెప్పిన ఆరు ఆహారాలు ఇవే..!
జీడిపప్పు, బాదం, పిస్తా, వాల్ నట్స్, బ్రెజిల్ నట్స్ లో ఉండే ఆరోగ్యకరమైన కొవ్వులు మెదడు పనితీరును పెంచుతాయి. రోజుకు ఒక గుప్పెడు నట్స్ తింటే మెదడు ఆరోగ్యాన్ని పదిలంగా ఉంచుతుంది. ఆకుకూరలు కూడా మెదడు ఆరోగ్యాన్ని కాపాడుతాయి. ముఖ్యంగా పాలకూరలో పోషకాలు ఎక్కువగా ఉంటాయి. 45 అధ్యయనాల్లో పులియబెట్టిన ఆహారాలు తింటే జ్ఞాపక శక్తిని పెంచుతాయని తేలింది. పెరుగు, నిల్వ ఉన్న పచ్చళ్ళు వీటిలో మంచి బ్యాక్టీరియా ఉంటుంది. ఇది మానసిక ఒత్తిడిని తగ్గించేందుకు సహాయపడతాయి.
డార్క్ చాక్లెట్ ను ప్రతి రోజు తినడం వలన డిప్రెషన్ వచ్చే అవకాశం 70 శాతం తగ్గుతుందని పలు అధ్యయనాలలో తేలింది. డార్క్ చాక్లెట్ తింటే మానసిక పరిస్థితిని మెరుగు పరుస్తుంది. జ్ఞాపక శక్తిని పెంచుతుంది. మెదడు చురుకుగా పనిచేసేలా చేస్తుంది. అవకాడో లో మెగ్నీషియం సమృద్ధిగా లభిస్తుంది. ఇది బ్రెయిన్ పనితీరుకు అవసరం. మసాలా స్పైసీ ఫుడ్స్ కూడా మానసిక సమస్యలను తగ్గిస్తుంది. కారం, పసుపు, అల్లం, లవంగం, దాల్చిన చెక్క, కుంకుమ పువ్వు ఒత్తిడిని తగ్గిస్తాయి. ఇప్పుడు చెప్పుకున్న ఆహారాలు మీ డైట్ లో ఉంటే మెదడు ఆరోగ్యంగా చురుకుగా పనిచేస్తుంది.