U Turn : కన్నడలో సూపర్ హిట్ అయిన సినిమా ‘యూటర్న్’. 2016లో వచ్చిన ఈ సినిమా సూపర్ హిట్ గా నిలిచింది. శ్రద్దా శ్రీనాథ్ ప్రధాన పాత్రలో తెరకెక్కిన ఈ సినిమాకి పవన్ కుమార్ దర్శకత్వం వహించాడు. చిన్న బడ్జెట్తో నిర్మించిన ఈ సినిమా మంచి వసూళ్ళు రాబట్టింది. ఇదే సినిమాను తమిళ, తెలుగు భాషలలోనూ నిర్మించారు. తెలుగు వెర్షన్లో సమంత అక్కినేని ప్రధాన పాత్రలో నటించగా ఒరిజినల్ వర్షన్కి దర్శకత్వం వహించిన పవన్ కుమార్ తెలుగు రీమేక్ ని తెరకెక్కించాడు. అలాగే తమిళంలోనూ వచ్చింది. 2018లో ఒకేసారి తెలుగు, తమిళంలో రిలీజై సమంతకి మంచి హిట్ ఇచ్చింది. మిస్టరీ – థ్రిల్లర్ బ్యాక్ డ్రాప్లో రూపొందిన ఈ సినిమా విమర్శకూ ప్రశంసలు అందుకుంది.
ఇప్పుడు ఈ సినిమాను హిందీలో కూడా రీమేక్ చేయబోతున్నారు. బాలీవుడ్ సీనియర్ నటీమణి పూజా భట్ కుమార్తె ఆలయ ఎఫ్ ఈ సినిమాలో సమంత పాత్రలో నటించబోతోంది. ఈమె కంటే ముందు ఈ సినిమాలో జాన్వీ-సారా-అనన్య పాండేలను అనుకున్నారట. ఫైనల్గా ఈ అవకాశం ఆలయకి దక్కింది. ఆలయ ‘జవానీ జానెమాన్’ అనే కామెడీ మూవీతో బాలీవుడ్లో ఎంట్రీ ఇచ్చింది. ఈ సినిమా సూపర్ హిట్ కావడంతో పాటు ఈ స్టార్ కిడ్ కి మంచి గుర్తింపు కూడా దక్కింది. ఈ క్రమంలో సూపర్ హిట్ మూవీ యూ టర్న్ రీమేక్ కోసం ఎంపికైంది. బాలీవుడ్ స్టార్ మేకర్స్ ఏక్తా కపూర్ యూ టర్న్ హిందీ రీమేక్ ని నిర్మిస్తున్నారు.
U Turn : ఏక్తా తన సోషల్ మీడియాలో ఫస్ట్ లుక్ ను పంచుకుంది.
కాగా ఆలయా ప్రధాన పాత్రలో నటిస్తున్న సినిమాకి ఎడ్జ్-ఆఫ్-ది-సీట్ థ్రిల్లర్ ఆరిఫ్ ఖాన్ దర్శకత్వం వహిస్తున్నాడు. కాగా ఏక్తా తన సోషల్ మీడియాలో ఫస్ట్ లుక్ ను పంచుకుంది.బాలాజీ టెలిఫిల్మ్స్ లో ఏక్తా యూ-టర్న్ కల్ట్ మూవీని నిర్మిస్తున్నట్టు వెల్లడించారు. తమిళం- తెలుగు-కన్నడలలో బ్లాక్ బస్టర్ అందుకొని అవార్డుల దక్కించుకున్న హిట్ మూవీ యూ-టర్న్ ని హిందీలో రీమేక్ చేస్తున్నందుకు చాలా సంతోషిస్తున్నాము. జీవితంలో షార్ట్ కట్స్ లేవు. కానీ కొన్నిసార్లు మీరు నియమాలను ఉల్లంఘించాలి. మీ ప్రయాణ మార్గాన్ని మార్చడానికి యూటర్న్ తీసుకోండి… అంటూ ఏక్తా కపూర్ ఓ కామెంట్ ని పోస్ట్ లో జత చేసి వెల్లడించారు. కాగా త్వరలో షూటింగ్ మొదలబోతోందని సమాచారం.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!