Annathe : అన్నాత్తే .. Annathe సూపర్ స్టార్ రజనీకాంత్ నటిస్తున్న లేటెస్ట్ సినిమా. కీర్తి సురేష్, నయనతార, మీనా, ఖుష్బూ హీరోయిన్స్ గా నటిస్తున్నారు. మాస్ సినిమాలను తెరకెక్కిస్తూ వరసగా సూపర్ హిట్స్ అందుకుంటున్న శివ ఈ సినిమాకి దర్శకత్వం వహిస్తున్నాడు.
గతకొంతకాలంగా సూపర్ స్టార్ రజనీకాంత్ కి వరసగా ఫ్లాప్స్ వస్తున్నాయి. కబాలి, కాలా, పేట, రోబో 2.ఓ, దర్బార్ .. ఇలా వరసగా అన్నీ కమర్షియల్ సినిమాలు చేస్తున్నా..ఒక్కటీ భారీ హిట్ గా నిలవలేదు.
దాంతో ఈసారి ఎలాగైనా భారీ కమర్షియల్ హిట్ దక్కించుకోవాలని కసిగా ఉన్నాడు. అందుకే కోలీవుడ్ లో స్టార్ డైరెక్టర్స్ ఉన్నా కూడా అజిత్ కి గత కొంతకాలంగా వరసగా భారీ హిట్స్ ఇస్తూ వస్తున్న శివ కి అవకాశం ఇచ్చాడు. శివ కూడా రజనీకాంత్ ఇచ్చిన అవకాశాన్ని సధ్వినియోగం చేసుకోవాలని భారీ హిట్ ఇవ్వాలని అన్ని రకాలుగా ట్రై చేస్తున్నాడట. ఇక ఇప్పటికే కొంత టాకీ పార్ట్ కంప్లీట్ అయిన ఈ సినిమా లాక్ డౌన్ కారణంగా ఆగిపోయింది. ఆ తర్వాత మొదలైన కూడా అనూహ్యంగా రజనీకాంత్ ఆరోగ్య సమస్యలు రావడం తో షూటింగ్ నిలిపివేశారు.
Annathe : రజనీకాంత్ కూడా టాకీపార్ట్ కంప్లీట్ అయ్యే వరకు బ్రేక్ ఇవ్వకూడదని డిసైడయ్యాడట.
ఎట్టకేలకి మళ్ళీ అన్నాత్తే షూటింగ్ మొదలవబోతంది. స్వయంగా రజనీకాంత్ దర్శకుడికి కాల్ చేసి షాకింగ్ గా మన షూటింగ్ మొదలుపెడదాం.. నాన్ స్టాప్ గా షెడ్యూల్స్ ప్లాన్ చేయండి అంటూ దర్శకుడు శివ కి సడన్ న్యూస్ చెప్పాడట. దాంతో దర్శకుడు శివ షూటింగ్ కి రెడీ అవుతున్నాడట. రజనీకాంత్ కూడా టాకీపార్ట్ కంప్లీట్ అయ్యే వరకు బ్రేక్ ఇవ్వకూడదని డిసైడయినట్టు తెలుస్తోంది. ఇక ఈ సినిమాకి అనిరుధ్ రవిచంద్రన్ సంగీతం అందిస్తుండగా ఈ ఏడాదిలోనే రిలీజ్ కి సన్నాహాలు చేస్తున్నారట. చూడాలి సూపర్ స్టార్ కి ఈ సినిమాతో అయినా హిట్ దక్కుతుందో లేదో.