Elephant: పిల్లలు పెద్దలు జూ కి వెళ్తే చాలా ఎంజాయ్ చేస్తూ ఉంటారు. అక్కడ కనిపించే వివిధ రకాల జంతువులను చూసి పిల్లలు తమ స్టైల్ లో వాటితో ఆడుకుంటూ ఉంటారు. తాజాగా ఒక జంతుప్రదర్శనశాలలో అక్కడి సిబ్బంది చిత్రీకరించిన వీడియో ఒకటి సోషల్ మీడియాలో వైరల్ అవుతుంది. ఆ వీడియోలో ఏనుగు పిల్ల సందడి చేసింది.
పరాగ్వే దేశంలోని ఓ జూలో ఈ వీడియోను చిత్రీకరించారు. చాలా కాలం తరువాత ఇప్పుడు ఈ పాత వీడియోను ఇండియన్ ఫారెస్ట్ సర్వీస్ ఆఫీసర్ రమేశ్ పాండే తన ట్విట్టర్‌లో పోస్ట్ చెయ్యగా ఇపుడు అది వైరల్ అయ్యింది. అందులో తల్లి ఏనుగు తన పిల్ల ఏనుగును నిద్రనుంచి లేపేందుకు చాలా ప్రయత్నిస్తుంది. కానీ ఎంత సేపటికి ఉలుకూ పలుకు లేకుండా ఆ పిల్ల ఏనుగు అలా పడుకునే ఉందని భయపడిన తల్లి ఏనుగు ఆ జూ లోని మావటి వాళ్లను తన బిడ్డ వద్దకు పిలుచుకొని వచ్చింది. వివరాలలోకి వెళితే….
అధికారి చెప్పిన వివరాల ప్రకారం ఓ రోజు పిల్ల ఏనుగు రోజంతా ఆడుకొని చాలా అలసిపోయిది. అది గాఢంగా నిద్రపోయింది. ఎంత సేపటికి అది నిద్ర నుంచి లేవలేదు. దీంతో భయపడిన తల్లి ఏనుగు వెంటనే దానిని నిద్ర నుంచి లేపడానికి ప్రయత్నించింది. తొండంతో తట్టినా అది లేవలేదు. దీంతో తల్లి ఏనుగు జూ సిబ్బందిని తీసుకుని అక్కడికి వచ్చింది.
వాళ్లు వచ్చి ఆ చిన్న పిల్ల ఏనుగు నడుంపై తట్టారు. కొంచెం సేపటికి అది ఎప్పటిలాగే లేచి చాలా ఉత్సాహంగా ఆడుకుంది. దీనితో తన పిల్లకు ఎటువంటి ప్రమాదం జరగలేదని తెలుసుకున్న తల్లి ఏనుగు స్థిమితపడింది. ఈ వివరాలను అటవీ శాఖ ఆఫీసర్ రమేశ్ పాండే వీడియో క్యాప్షన్‌లో వివరించారు. ఈ న్యూస్ ని మీ వాట్సాప్ మరియు ఫేస్ బుక్ లో ఉన్న ఫ్రండ్స్ అందరితో షేర్ చెయ్యండి. కిందనే ఉన్న షేర్ బటన్ ఉపయోగించి వెంటనే వారికి షేర్ చెయ్యండి.
