సాధారణంగా పిల్లిని చూస్తే కొంతమంది దరిద్రం అనుకుంటారు.. పని మీద బయటకి వెళ్లేటప్పుడు ఒకవేళ పిల్లి ఎదురు వస్తే ఆ పని జరగదని కొందరు భావిస్తారు.. అయితే ఈ పిల్లి కథ వింటే మాత్రం కనీసం పిల్లిగానైనా పుట్టాల్సిందే అనుకుంటాం..! దీని రొట్టె విరిగి నేతిలో పడ్డట్టుగా అనిపిస్తుంది దీనిని చూస్తుంటే..! అసలు ఏంటి ఈ పిల్లి కథ అంటారా..? రండి.. తెలుసుకుందాం..!
చెత్త కుప్ప నుండి ఉప మంత్రి హోదా..
గత సోమవారం రష్యాలోని మున్సిపాలిటీసిబ్బంది ఉలియానో వర్కర్స్ లో ఒకరు చెత్త ను క్రషింగ్ మిషన్ లో వేస్తుండగా.. ఇంతలో ఆ చెత్తలో ఉన్న ఓ తెల్లటి ప్లాస్టిక్ కవర్ కదలడం అతను గుర్తించాడు. దాన్ని తెరిచి చూస్తే అందులో ఓ పిల్లి కనిపించింది. దీనికి సంబంధించిన ఫోటోలు టీవీ, సోషల్ మీడియాలో వైరల్ అయ్యాయి..అది చూసిన రష్యా పర్యావరణ మంత్రిత్వ శాఖ దాన్ని దత్తత తీసుకుంది. అనధికారికంగా దానికి పర్యావరణ శాఖ ఉప ముఖ్యమంత్రి హోదాలో కల్పించింది. మంత్రి గుల్నారా కాఖ్మతులిన మంత్రి ఆఫీసులోని కుర్చీలో నిద్రపోతున్న, తిరుగుతున్న ఫోటోలను ఆయన సోషల్ మీడియాలో పోస్ట్ చేశారు.
పేరు పెట్టడానికి ఓ కాంటెస్ట్..!
అంతేకాదు..ఈ పిల్లికి పేరు పెట్టడానికి ఏకంగా ఓ కాంటెస్ట్ ను కూడా నిర్వహించారు. దీని గురించి మంత్రి మాట్లాడుతూ పిల్లుల్లిన్ని పెంచుకోవాలనుకునే ఉద్దేశం ఉన్న యజమానులే వాటి బాధ్యత వహించాలి. అంతేకానీ, మీరు వాటిని చూసుకోలేకపోతే మంచిగా పెంచుకునే వారికైనా అప్ప చెప్పండి అని ఆయన తెలిపారు. ఈ స్టోరీ విన్నాక కనీసం పిల్లిగా గా పుట్టాల్సింది అని అనిపిస్తుంది కదా..