F 3: ఇప్పుడు టాలీవుడ్లో రిలీజ్ కాబోయో సినిమాల వసూళ్ళు భారీ బడ్జెట్తో మల్టీస్టారర్గా రూపొందుతున్న ఆర్ఆర్ఆర్ సినిమానే టార్గెట్ చేస్తున్నారు. ఆర్ఆర్ఆర్ సినిమా నిర్మాణ వ్యయం దాదాపు రూ 500 కోట్లు. బాక్సాఫీస్ కలెక్షన్స్ దాదాపు రూ. 1500 నుంచి రూ 2000 కోట్ల వరకు అంచనా వేస్తున్నారు. ఈ క్రమంలోనే మిగతా సినిమాలు కూడా పెట్టిన బడ్జెట్ కంటే మూడు రెట్లు లాభాలను ఆశిస్తున్నాయి. అలాగే, వెంకటేశ్, మెగా ప్రిన్స్ వరుణ్ తేజ్ హీరోలుగా రూపొందుతున్న ఎఫ్ 2 సీక్వెల్ ఎఫ్ 3. ఎఫ్ 2 బాక్సాఫీస్ వద్ద రూ 100 కోట్లకు పైగా వసూళ్ళు రాబట్టింది. అందుకే ఇప్పుడు ఎఫ్ 3 సినిమా మీద అందరిలోనూ భారీ అంచనాలున్నాయి.
అనిల్ రావిపూడి దర్శకత్వంలో వెంకీ – వరుణ్ తేజ్ హీరోలుగా తమన్నా – మెహ్రీన్ హీరోయిన్స్గా నటించారు. ఇప్పటికే ఈ సినిమా షూటింగ్ను మేకర్స్ పూర్తి చేశారు. సునీల్ – సోనాల్ చౌహాన్ ఇతర కీలక పాత్రల్లో కనిపించబోతున్నారు. శ్రీ వెంకటేశ్వర క్రియేషన్స్ పతాకంపై దిల్ రాజు నిర్మిస్తున్నారు. అయితే, ఈ సినిమాను భారీ స్థాయిలో రిలీజ్ చేసేందుకు మేకర్స్ ప్లాన్ చేస్తున్నారు. ఆర్ఆర్ఆర్ రిలీజ్ అయిన నెల రోజుల తర్వాత ఎఫ్ సినిమాను రిలీజ్ చేయబోతున్నారు. కంప్లీట్ ఫ్యామిలీ, కామెడీ అండ్ రొమాంటిక్ ఎంటర్టైనర్గా ఈ సినిమాను అనిల్ రావిపూడి రూపొందిస్తున్నారు.
F 3: ‘ఆర్ఆర్ఆర్’, ‘రాధే శ్యామ్’ లాంటి పాన్ ఇండియన్ సినిమాలతో పోల్చుకుంటున్నారు.
ఇక మ్యూజిక్ డైరెక్టర్ ఈ మూవీ ఫస్ట్ సింగిల్ మీద ఆసక్తికరమైన ట్వీట్ చేసి అభిమానుల్లో భారీగా అంచనాలు పెంచాడు. ఫస్ట్ సింగిల్ రిలీజ్ చేసి ఎఫ్ 3 మేకర్స్ ప్రమోషన్స్ మొదలుపెట్టబోతున్నారు. ఒక్కొక్కటిగా అన్నీ సాంగ్స్ను, టీజర్, ట్రైలర్లను సినిమా రిలీజ్ వరకు వదిలి అభిమానుల్లో, ప్రేక్షకుల్లో భారీగా అంచనాలను పెంచేందుకు చిత్రబృందం పక్కా ప్లాన్తో రెడీ అయింది. వెంకీ గత రెండు చిత్రాలు సూపర్ హిట్గా నిలిచాయి. వరుణ్ తేజ్ గత చిత్రం హిట్ అయిన సంగతి తెలిసిందే. ఇక దర్శకుడు అనిల్ రావిపూడికి పటాస్ నుంచి గత చిత్రం సరిలేరు నీకెవ్వరు సినిమా వరకు అన్నీ వరుస బ్లాక్ బస్టర్సే. దాంతో ఇవన్నీ ఎఫ్ 3 సినిమాకు బాగా ప్లస్ కానున్నాయంటున్నారు. అందుకే వసూళ్ళ పరంగా ఆర్ఆర్ఆర్, రాధే శ్యామ్ లాంటి పాన్ ఇండియన్ సినిమాలతో పోల్చుకుంటున్నారు.