దేశంలోని జియో ఫైబర్ వినియోగదారులకు గుడ్ న్యూస్. ప్రముఖ స్ట్రీమింగ్ సర్వీస్ లయన్స్ గేట్ ప్లే.. జియోతో ఒప్పందం కుదుర్చుకుంది. ఇందులో భాగంగా జియో ఫైబర్ వినియోగదారులకు గేట్ ప్లే సేవలు ఉచితంగా లభించనున్నాయి. ఇందులో ఉండే హాలీవుడ్ హర్రర్, కామెడీ, డ్రామా, యాక్షన్, థ్రిల్లర్ సినిమాలన్నీ జీయో టీవీ ప్లస్ ద్వారా ఉచితంగా వీక్షించవచ్చు. జియో టీవీ యాప్ ను జియో సెట్ టాప్ ద్వారా యాడ్ చేసుకోవచ్చు.
ఇందులో భాగంగా స్టార్ ఒరిజినల్ సిరీస్ తోపాటు ప్రముఖ కార్యక్రమాలు.. దాదాపు 7500 వేర్వేరు ప్రీమియమ్ ఎపిసోడ్లు కూడా వీక్షించొచ్చు. హాలీవుడ్ తోపాటు ఇందులో హిందీ, తెలుగు. తమిళం, మరాఠీ, కన్నడ, భోజ్ పురి భాషల్లోని కంటెంట్లు, సినిమాలు కూడా చూసే అవకాశం ఉంది. ఈ ఆఫర్ జియో ఫైబర్ సిల్వర్ తో పాటు అంతకంటే ఎక్కవ ప్లాన్లు ఉపయోగించే వారికి వర్తించనుంది. లయన్ గేట్ సౌత్ ఆసియా భారతీయులకు చేరువయ్యేందుకు జియోతో కలుస్తోందని లయన్స్ గేట్ సౌత్ ఆసియా మేనేజింగ్ డైరక్టర్ రోహిత్ జైన్ తెలిపారు.
జియోతో భాగస్వామ్యం కావడం ద్వారా భవిష్యత్తులో టెక్నాలజీలో మరింత పెట్టుబడులు పెడతామన్నారు. వినియోగదారులకు మరింత చేరువయ్యేందుకు జియోతో ఒప్పందం చేసుకోవడం తమకు లాభిస్తందనే ఆశాభావం వ్యక్తం చేశారు రోహిత్ జైన్.