మెగా బ్రదర్ నాగబాబు సోషల్ మీడియాలో చాలా యాక్టివ్ గా ఉంటారు అని అందరికీ తెలుసు. సమాజంలో జరిగే ప్రతి విషయం పై అదేవిధంగా టెలివిజన్ రంగంలో పలు షో లపై తనదైన శైలిలో అభిప్రాయాలు చెబుతూ ఉంటారు. ఇదిలా ఉండగా తెలుగు టెలివిజన్ ప్రేక్షకులను అలరిస్తున్న బిగ్ బాస్ రియాల్టీ షో సీజన్ ఫోర్ గురించి తాజాగా నాగబాబు సోషల్ మీడియాలో వీడియో రిలీజ్ చేశారు.
ప్రస్తుతం హౌస్ లో గేమ్ చాలావరకు చివరి దశకు రావడంతో ఎవరికివారు తమకు ఇష్టమైన కంటెస్టెంట్ ల కోసం రంగంలోకి దిగి సపోర్ట్ చేస్తున్నారు. ఈ క్రమంలో నాగబాబు గతంలో జబర్దస్త్ లో న్యాయనిర్ణేతగా ఉండటంతో.. అదే షో లో ముక్కు అవినాష్ రాణించడంతో అతనికి ఫుల్ సపోర్ట్ చేయాలని డిసైడ్ అయినాట్ వీడియో రిలీజ్ చేశారు. బిగ్ బాస్ హౌస్ లో ఉన్న అవినాష్ ని గెలిపించాలని, తనకు ఎప్పటినుండో అతను తెలుసు అని చెప్పుకొచ్చారు.
అవినాష్ పెద్దగా ఎమోషనల్ వ్యక్తి కాదని.. కానీ ఇంటిలో ఉన్న పరిస్థితులు అతన్ని బాగా క్రుంగదీసిన్నట్లు తెలిపిన నాగబాబు ఇంటిలో బాగా ఇష్టమైన కంటెస్టెంట్ అభిజిత్ అని పేర్కొన్నారు. అతని వ్యక్తిత్వం కూడా చాలా బాగా నచ్చింది అంటూ చెప్పుకొచ్చారు. బయట కలిసినప్పుడు కూడా అతడు బాగా మాట్లాడటం జరిగిందని, హీరో గా సక్సెస్ అయి ఉంటే ఇంకా బాగుండేది అని.. ప్రస్తుతం బిగ్ బాస్ హౌస్ లో అద్భుతంగా రాణిస్తున్నాడు అని.. కనుక మీరందరూ వీరిద్దరికీ సపోర్ట్ చెయ్యాలి అంటూ అవినాష్, అభిజిత్ పేర్లు చెప్పి మెగా బ్రదర్ నాగబాబు సోషల్ మీడియాలో వీడియో రిలీజ్ చేశారు.