Pawan kalyan : పవన్ కళ్యాణ్ బ్లాక్ బస్టర్ మూవీ టైటిల్‌తో విద్యాబాలన్ బాలీవుడ్ మూవీ..రీమేక్ చేస్తున్నారా..?

Pawan kalyan : పవన్ కళ్యాణ్ సినిమా టైటిల్స్ ఎంత పవర్ ఫుల్ గా ఉంటాయో అందరికీ తెలిసిందే. ఇక ఆయన సినిమా అంటే అభిమానులకి ఉత్సాహం అలల్లా ఉప్పొంగి పోతుంటుంది. సినిమాలు మానేస్తున్నాని చెప్పినా మూడేళ్ళకి మళ్ళీ ఆయన సిల్వర్ స్క్రీన్ మీద కనిపించేలా అభిమానులు పట్టుపట్టారు. మూడేళ్ళ తర్వాత వకీల్ సాబ్ సినిమాతో వచ్చిన పవర్ స్టార్ అదే వాడి అదే వేడిని చూపించారు. వకీల్ సాబ్ పవర్ స్టార్ స్టామినాను మరింతగా చూపించింది. ఇక ఈ గత కొంత కాలంగా పవన్ కళ్యాణ్ సినిమాలలోని సాంగ్స్‌ను, టైటిల్స్‌ని అలానే ఆయన సినిమాలలోని పాత్రలను ఇప్పటి హీరోలు టైటిల్స్‌గా పెట్టుకుంటున్నారు.

గతంలో నితిన్ పవన్ కళ్యాణ్ సినిమా తొలిప్రేమలోని పాటను రీమిక్స్ చేశారు. అలాగే మెగా ప్రిన్స్ వరుణ్ తేజ్ కూడా తొలిప్రేమ టైటిల్ పెట్టుకున్నారు. ఇక ప్రస్తుతం ఆయనే పవన్ కళ్యాణ్ బాలు సినిమాలో పెట్టుకున్న గని పేరుని తాజా సినిమాకి పెట్టుకున్నారు. ఇలా పవర్ స్టార్ ఇమేజ్‌ను అన్నీ రకాలుగా ఉపయోగించుకుంటూ ఆయన మీద అభిమానన్ని చాటుకోవడమే కాదు ఆ ఇమేజ్‌తో క్యాష్ చేసుకొనే ప్లాన్స్ కూడా చేస్తున్నారు. తాజాగా ఇలాంటి ప్లాన్ బాలీవుడ్ మేకర్స్ కూడా చేసినట్టు తెలుస్తోంది.

Pawan kalyan : పవర్ స్టార్ టైటిల్ పెట్టుకోగానే ఆ సినిమా మీద అంచనాలు భారీగా నెలకొన్నాయి.

మాటల మాంత్రీకుడు త్రివిక్రం శ్రీనివాస్ దర్శకత్వంలో పవర్ స్టార్ పవన్ కళ్యాణ్ నటించిన సినిమా జల్సా. ఈ సినిమా బాక్సాఫీస్ వద్ద భారీ సక్సెస్ సాధించింది. ఇందులో ఎంటర్‌టైన్మెంట్ ప్రేక్షకులకి ఇప్పటికీ విపరీతంగా నచ్చుతుంది. ఎప్పుడు బుల్లితెరమీద వచ్చినా భారీ స్థాయిలో టీఆర్పీ రేటింగ్ టాప్‌లోనే నమోదవుతుంది. కాగా ఇప్పుడు బాలీవుడ్‌లో స్టార్ హీరోయిన్ విద్యాబాలన్ నటిస్తున్న సినిమాకి జల్సా టైటిల్‌ను మేకర్స్ ఫిక్స్ చేశారు. ఈ సినిమా కథ టాలీవుడ్ జల్సాకి ఏమాత్రం సంబంధం లేకపోయినా పవర్ స్టార్ టైటిల్ పెట్టుకోగానే ఆ సినిమా మీద అంచనాలు భారీగా నెలకొన్నాయి.