టాలీవుడ్ ఇండస్ట్రీలో క్రేజీ కాంబినేషన్లో ఒక కాంబినేషన్ త్రివిక్రమ్ మహేష్ కాంబినేషన్. వీరిద్దరి కలయికలో వచ్చిన అతడు, ఖలేజా సినిమాలు థియేటర్లలో ఆశించిన స్థాయిలో విజయం సాధించకపోయినా గాని ప్రేక్షకుల హృదయాలను ఎంతగానో దోచుకున్నాయి. ముఖ్యంగా నటనలో మహేష్ మెచ్యూరిటీ లెవెల్స్ అమాంతం పెంచడమే కాకుండా సరికొత్త నటుడిని కూడా ప్రేక్షకులకు పరిచయం చేసిన సినిమాలు.
ఇదిలా ఉండగా మళ్ళీ వీరిద్దరూ కలిసి హ్యాట్రిక్ సినిమా చేయాలని డిసైడ్ అయినట్లు ఇటీవల వార్తలు వైరల్ అవుతున్న సంగతి తెలిసిందే. ప్రస్తుతం మహేష్ బాబు పరశురామ్ దర్శకత్వంలో “సర్కారు వారి పాట” అనే సినిమా చేస్తున్నారు. ఈ సినిమా తరువాత మహేష్ రాజమౌళి తో మరో సినిమా చేయనున్నారు. అయితే ప్రస్తుతం రాజమౌళి దర్శకత్వంలో తెరకెక్కుతున్న “RRR” షూటింగ్ ఎప్పుడు కంప్లీట్ అవుద్ది అన్న విషయంలో ఇంకా క్లారిటీ రావడం లేదు అని ఫిలిం నగర్ టాక్.
ఈ నేపథ్యంలో మహేష్ బాబు ఈ లోపు మాటల మాంత్రికుడు త్రివిక్రమ్ తో సినిమా చేసే ఆలోచనలు చేస్తున్నట్లు వార్తలు వస్తున్నాయి. మరోపక్క ఈ ఏడాది ప్రారంభంలో అలా వైకుంఠపురం లో సినిమా తో భారీ విజయం సాధించిన త్రివిక్రమ్ నెక్స్ట్ ఎన్టీఆర్ కి స్క్రిప్ట్ రెడీ చేసుకున్న సంగతి తెలిసిందే. అయితే ప్రస్తుతం రాజమౌళి సినిమా ఆలస్యం అయ్యే అవకాశం ఉండటంతో… చాలావరకూ త్రివిక్రమ్ కూడా మహేష్ తో సినిమా చేసే అవకాశం ఉన్నట్లు ఫిలింనగర్ లో వార్తలు వస్తున్నాయి. అంతేకాకుండా ఈసారి మహేష్ తో చేయబోయే సినిమా మల్టీస్టారర్ గా తెరకెక్కించే ఆలోచనలో త్రివిక్రమ్ ఉన్నట్లు సమాచారం.