Aacharya : మెగా పవర్ స్టార్ రామ్ చరణ్ పుట్టినరోజు సందర్భంగా ఉదయం చిరంజీవి తో నక్సల్స్ పాత్రలో చరణ్ కలిగిన ఫోటో “ఆచార్య” సినిమా యూనిట్ రిలీజ్ చేయడం జరిగింది. అయితే తాజాగా సాయంత్రం సినిమాకి సంబంధించి ఫస్ట్ సాంగ్ రిలీజ్ మార్చి 31వ తారీఖున సాయంత్రం నాలుగు గంటల 5 నిమిషాలకు రిలీజ్ అవుతుందని ..చిరు డ్యాన్స్ చేస్తున్న పోస్టర్ ద్వారా తెలియజేశారు.
“లాహే లాహే” అనే సాంగ్ రిలీజ్ అవుతుందని పోస్టర్ పై పేర్కొన్నారు. దాదాపు 13 సంవత్సరాల తరువాత చిరంజీవి సినిమాకి మణిశర్మ మ్యూజిక్ అందిస్తున్న నేపద్యంలో “ఆచార్య” సినిమా పాటలపై మెగా అభిమానులు అంచనాలు ఓ రేంజిలో పెట్టుకున్నారు. కొరటాల శివ దర్శకత్వంలో మెగా పవర్ స్టార్ రామ్ చరణ్ నిర్మాణ సారథ్యంలో వస్తున్న “ఆచార్య” మెసేజ్ ఓరియెంటెడ్ సినిమా అని ఫిలిం నగర్ టాక్. ఇదిలా ఉంటే తాజాగా ఈ పోస్టర్ సోషల్ మీడియాలో రిలీజ్ కావడంతో మెగా అభిమానులు.. ఇంద్ర సినిమాలో “బం బం బోలె” తరహాలో చిరంజీవి ఫోజ్ ఉందని కామెంట్లు చేస్తున్నారు.
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!