#RC 15: సినిమా ఇండస్ట్రీలో గతకొంతకాలంగా సినిమాకు సంబంధించిన సాంగ్స్, పోస్టర్, సీన్స్ లీకవుతూనే ఉన్నాయి. అత్తారింటికి దారేది సినిమా ఎకంగా గంటకు పైగా సినిమా యూట్యూబ్లో వచ్చేసింది. ఆ తర్వాత అజ్ఞాతవాసి కూడా ఇలాగే లీకైంది. అలాగే రాజమౌళి దర్శకత్వంలో వచ్చిన బాహుబలి రెండు భాగాల సమయంలో చాలానే లీకులు మేకర్స్ను భయపెట్టాయి. ఇక ఇటీవల ఐకాన్ స్టార్ అల్లు అర్జున్, సుకుమార్, రష్మిక మందన్నల కాంబినేషన్లో వచ్చిన పుష్ప సినిమా నుంచి చాలానే లీకయ్యాయి. ఆ సమయంలో నిర్మాతలు లీకురాయళ్ళకు వార్నింగ్ కూడా ఇచ్చారు.
అలాగే ఇటీవల సూపర్ స్టార్ మహేశ్ బాబు హీరోగా రూపొందుతున్న సర్కారు వారి పాట సినిమా నుంచి ఏకంగా సాంగ్ను యూట్యూబ్లో రిలీజ్ చేశారు. ఎన్నో రోజులు కష్టపడి సాంగ్ రెడి చేసి అభిమానులకు సర్ప్రైజ్ ఇద్దామనుకుంటే ఈ లోపే కొన్ని గంటల ముందు లీకురాయుళ్ళు సాంగ్ మొత్తాన్ని యూట్యూబ్లో ఎక్కించేశారు. ఈ విషయంలో చిత్ర యూనిట్ చాలా బాధపడింది. ముఖ్యంగా చిత్ర సంగీత దర్శకుడు ఎస్ ఎస్ థమన్ చాలా ఎమోషన్ అయ్యాడు. ఈ మేరకు తన ఆవేదనను వ్యక్తం చేస్తూ ట్విట్టర్లో వాయిస్ మెసేజెస్ పెట్టి హాట్ టాపిక్ అయ్యారు. చేసేదేమీ లేక ఒకరోజు ముందుగానే సర్కారు వారి పాట ఫస్ట్ సింగిల్ రిలీజ్ చేశారు.
# RC 15: మరోసారి వార్నింగ్ ..?
నెట్లో లీకైనా కూడా సర్కారు వారి పాట ఫస్ట్ సింగిల్ రికార్డ్ స్థాయిలో వ్యూస్ రాబట్టింది. ఇవన్నీ చూసిన శంకర్ బృందం ఆయన దర్శకత్వంలో మెగా పవర్ స్టార్ రాం చరణ్ హీరోగా రూపొందుతున్న ఆర్సీ 15 మూవీకి సంబంధించిన ఎలాంటి లీక్స్ జరిగినా ఊరుకునేది లేదని ఇటీవల కొత్త షెడ్యూల్ మొదలు పెట్టినప్పుడు చిత్రబృందానికి హెచ్చరికలు జారీ చేశారు. అయినా తాజాగా చరణ్ కొత్త లుక్ను లీక్ చేశారు. ఆ లుక్కు సంబంధించిన ఫొటోస్ కొన్ని నెట్టింట చక్కర్లు కొడుతూ వైరల్ అవుతున్నాయి. దీంతో మరోసారి వార్నింగ్ ఇస్తూ ఈ సినిమా నుంచి ఇకపై ఎలాంటి లీక్స్ జరిగినా చర్యలు తప్పవని హెచ్చరించారు. కాగా, ఈ సినిమాలో కియారా అద్వానీ హీరోయిన్గా నటిస్తున్నారు. థమన్ సంగీతం అందిస్తున్నారు.
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!