Pushpa 2 Teaser: ఐకాన్ స్టార్ అల్లు అర్జున్ “పుష్ప-2” నుంచి మరో టీజర్…?

Pushpa 2 Teaser: ఐకాన్ స్టార్ అల్లు అర్జున్ లేటెస్ట్ మూవీ పుష్ప-2 నుంచి త్వరలో మరో టీజర్ రానున్నట్లు తెలుస్తోంది. ఇటీవల బన్నీ బర్త్ డే సందర్భంగా రిలీజ్ చేసిన స్పెషల్ గ్లింప్స్ ఆకట్టుకుంది. అందులో డైలాగ్స్ లేకపోవడంతో ఫ్యాన్స్ కాస్త అసంతృప్తి చెందారు. దీంతో కొత్త టీజర్ లో యాక్షన్ సీన్స్, డైలాగ్స్ ఉండేలా చిత్ర యూనిట్ కసరత్తు చేస్తోందట. అనంతరం ఫస్ట్ సింగిల్ నీ రిలీజ్ చేయనుందట. త్వరలోనే వీటిపై అధికారిక ప్రకటన రానుందట. ఇదిలాఉండగా సినిమా రిలీజ్ కూ ముందే “పుష్ప-2” రికార్డులు సృష్టిస్తోంది. ఈ సినిమా డిజిటల్ రైట్స్ కొనుగోలు చేసేందుకు ఓటీటీ ప్లాట్ఫామ్స్ పోటీ పడగా.. నెట్ ఫ్లీక్స్ దక్కించుకున్నట్లు తెలుస్తోంది.

దాదాపు రూ.275 కోట్లకు డీల్ ఫిక్స్ చేసినట్లు సినీ వర్గాలు చెబుతున్నాయి. దీని తర్వాతి స్థానంలో రాజమౌళి తెరకెక్కించిన ‘RRR’ సినిమా (రూ.170 కోట్లు) ఉంది. “పుష్ప 2” షూటింగ్ శరవేగంగా జరుగుతోంది. ఆగస్టు 15వ తారీకు విడుదల తేదీ ప్రకటించడంతో… జూన్ నెల కల్లా సినిమా మొత్తం కంప్లీట్ అయ్యేలా సినిమా యూనిట్ శ్రమ పడుతుంది. జులై నుండి ఏకధాటిగా సినిమా రిలీజ్ తేదీ వరకు ప్రమోషన్స్ చేయాలని నిర్మాతలు భావిస్తున్నారు.

2021లో విడుదలైన “పుష్ప” మొదటి భాగం సంచలన విజయం సాధించిన సంగతి తెలిసిందే. పాన్ ఇండియా నేపథ్యంలో అల్లు అర్జున్ గ్రాఫ్ ఒక్కసారిగా పెరిగిపోయింది. ఈ సినిమాతో దర్శకుడు సుకుమార్ పేరు దేశవ్యాప్తంగా మారుమ్రోగింది. ఎలాంటి ప్రమోషన్స్ చేయకపోయినా బాలీవుడ్ లో 100 కోట్లు కలెక్షన్స్ రాబట్టింది. దీంతో పుష్ప రెండో భాగం మొదటి భాగం కంటే అత్యధికమైన భాషల్లో విడుదల చేయబోతున్నారు. సెకండ్ భాగానికి సంబంధించి ప్రమోషన్స్ దేశ విదేశాలలో చేయనున్నట్లు సమాచారం. ఈ ఏడాది ఇండియాలో విడుదలయ్యే సినిమాలలో పుష్ప సెకండ్ పార్ట్ కోసం ప్రేక్షకులు ఎక్కువగా ఎదురుచూస్తున్నారు. ఈ సినిమాలో అల్లు అర్జున్ కి సంబంధించి మేనరిజమ్స్ మొదటి భాగం కంటే వైవిధ్యంగా సుకుమార్ డిజైన్ చేసినట్లు టాక్.