Sandeep Reddy Vanga: ఇండియన్ ఫిలిం ఇండస్ట్రీలో ఒక పరాజయం లేని దర్శకులలో సందీప్ రెడ్డి వంగా ఒకరు. అర్జున్ రెడ్డి, కబీర్ సింగ్, యానిమల్ సినిమాలతో వరుసగా మూడు బ్లాక్ బస్టర్ విజయాలు అందుకోవటం జరిగింది. “అర్జున్ రెడ్డి” సినిమాతో తెలుగులో హిట్ అందుకోగా.. “కబీర్ సింగ్” తో హిందీలో హిట్ అందుకున్నారు. “యానిమల్” మూవీతో పాన్ ఇండియా తరహాలో సూపర్ హిట్ అందుకోవడం జరిగింది. ఇదిలా ఉంటే దర్శకుడు సందీప్ రెడ్డికి కెరియర్ పరంగా మొదటి నుంచి అనేక అడ్డంకులు ఎదురు కావటం తెలిసిందే. తాను ఎలాంటి సినిమా చేసినా అది కాంట్రవర్సీ అవుతూ.. మీడియాతో విభేదాలు అయ్యేలా పరిస్థితులు మారాయి.
ప్రధానంగా బాలీవుడ్ మీడియా సందీప్ రెడ్డి వంగాతో నువ్వా నేనా అన్నట్టు వ్యవహరిస్తూ ఉంది. సందీప్ రెడ్డి ఎదుగుదలను బాలీవుడ్ మీడియా తట్టుకోలేక పోతుంది. ఇదే సమయంలో కొంతమంది బాలీవుడ్ ఇండస్ట్రీకి చెందిన వాళ్ళు సైతం… గతంలో కొన్ని నెగిటివ్ కామెంట్లు చేయడం జరిగింది. రీసెంట్ గా అదే రీతిలో ఓ ప్రముఖ బాలీవుడ్ నటుడు సందీప్ రెడ్డి వంగా పనితనంపై నెగిటివ్ కామెంట్లు చేశారు. విషయంలోకి వెళ్తే ‘ఎందుకు నటించానా?’ అని ఫీలైన చిత్రం “కబీర్ సింగ్” అని కామెంట్ చేసిన అదిల్ హుస్సేన్ పై డైరెక్టర్ సందీప్ రెడ్డి Xలో ఫైరయ్యారు.
‘మీరు నటించిన 30 చిత్రాలతో రాని గుర్తింపు.. ఈ బ్లాక్ బస్టర్ తో వచ్చింది. దురాశ ఎక్కువగా ఉన్న మిమ్మల్ని నా సినిమాలోకి తీసుకున్నందుకు బాధ పడుతున్నా. ఇకపై మీరు సిగ్గుపడకుండా ఆ మూవీలో మీ ఫేస్ ను AIతో మార్చేస్తా’ అని పేర్కొన్నారు. కాగా ఆ చిత్రంలో కాలేజ్ డీన్ గా అదిల్ నటించారు. ప్రస్తుతం సందీప్ రెడ్డి వంగ.. నెక్స్ట్ ప్రభాస్ తో చేయబోయే “స్పిరిట్” మూవీ పనుల్లో బిజీగా ఉన్నారు. ఈ సినిమాలో ప్రభాస్ పవర్ ఫుల్ పోలీస్ ఆఫీసర్ గా కనిపించనున్నాడు.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!