Pawan Kalyan: పవర్ స్టార్ పవన్ కళ్యాణ్ ఒకపక్క రాజకీయాలు చేస్తూ మరోపక్క సినిమా రంగంలో రాణిస్తూ ఉన్నారు. సరిగ్గా కరోనా ఎంట్రీ ఇవ్వక ముందు పవన్ వరుస పెట్టి సినిమాలు ఒప్పుకోవటం తెలిసిందే. 2019 ఎన్నికలలో ఓడిపోయిన తర్వాత పవన్ “వకీల్ సాబ్” ద్వారా రీఎంట్రీ ఇవ్వడం జరిగింది. కాగా “వకీల్ సాబ్” సినిమా షూటింగ్ జరుగుతున్న సమయంలోనే హరి శంకర్, క్రిష్, సురేందర్ రెడ్డి సినిమాలను ఓకే చేయడం జరిగింది. ఈ మూడింటిలో ప్రస్తుతం క్రిష్ దర్శకత్వంలో “హరిహర వీరమల్లు” అనే సినిమా చేస్తున్నారు. ఈ సినిమాకి సంబంధించిన షూటింగ్ ఎప్పుడు మొదలవుతుందో ఎప్పుడు ఆగిపోతుందో అన్న రీతిలో మొన్నటి వరకు సాగింది.
కానీ వచ్చే ఏడాదిలో ఏప్రిల్ నెలలో సినిమా రిలీజ్ చేస్తున్నట్లు సినిమా యూనిట్ ఇటీవల అధికారికంగా ప్రకటించింది. పిరియాడిక్ డ్రామా నేపథ్యంలో తెరకెక్కుతున్న ఈ సినిమాలో పవన్ కళ్యాణ్ కెరియర్ లో ఎన్నడూ వేయని పాత్ర వేస్తూ ఉన్నారు. మొఘలుల సామ్రాజ్యం కాలం నాటి చారిత్రాత్మకమైన కథతో ఈ సినిమా తెరకెక్కుతోంది. సినిమాలో ఫైట్స్ కూడా పాతకాలం నాటి యుద్ధ విద్య తరహాలో చేస్తున్నారు. ఇందుకోసం పవన్ కళ్యాణ్ ట్రైనింగ్ కూడా తీసుకోవడం జరిగింది. ఇదంతా పక్కన పెడితే ఈ సినిమాకి సంబంధించి లేటెస్ట్ గా సినిమా యూనిట్ సమావేశం అయ్యింది. చిత్రీకరించే సన్నివేశాలకు సంబంధించిన నటీనటులతో హీరో పవన్ దర్శకుడు క్రిష్ చర్చలు నిర్వహించారు.
వీటికి సంబంధించిన ఫోటోలు వీడియోలు సోషల్ మీడియాలో వైరల్ అవుతున్నాయి. రెడ్ టీ షర్ట్.. బ్లూ జీన్స్ లో పవన్ కళ్యాణ్ అదిరిపోయే లుక్ లో ఉన్నారు. ఈ ఫోటోలు చూసి ఫ్యాన్స్ ఫుల్ ఫిదా అవుతున్నారు. దీంతో పవన్ వీరభక్తుడు బండ్ల గణేష్ అయితే సోషల్ మీడియాలో ఒక్క ఛాన్స్ అంటూ పెట్టిన పోస్ట్ సంచలనంగా మారింది. అబ్బబ్బ మా బాస్ ను చూస్తుంటే గుండెల్లో దడ దడ మొదలయ్యింది. రక్తం ఉరకలేస్తుంది.. ఇప్పుడు ఒక్క చాన్స్ వస్తే.? వెయ్యి కోట్లు దాటే మార్కెట్ ఎట్లుంటదో చూపిస్తా.. అబ్బ ముద్దొస్తున్నావ్.. బాస్ పవన్ అంటూ తన అభిమానాన్ని బండ్ల గణేష్ కామెంట్ రూపంలో వ్యక్తపరిచారు.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!