RRR: రాజమౌళి ఒక్కడే..అంటూ బాలీవుడ్ స్టార్ తాజాగా క్రేజీ కామెంట్స్ చేయడంతో ఇప్పుడు ఆ కామెంట్స్ నెట్టింట వైరల్ అవుతున్నాయి. దర్శక ధీరుడికి కెరీర్లో ఇప్పటి వరకు ఒక్క ఫ్లాప్ కూడా పడింది లేదు. ప్రతీ సినిమాకు అంచనాలు పెంచుతూ వచ్చిన రాజమౌళి బాహుబలి సినిమాల తర్వాత తన సత్తా రేంజ్ మార్కెట్ను విపరీతంగా పెంచుకున్నారు. ఏ నిర్మాత అయినా ఇంత బడ్జెట్ అవుతుందీ అంటే ఒక్క క్షణం ఆలోచించకుండా ప్రాజెక్ట్ చేసేద్దాం అని రెడీ అవుతాడంటే అది బహుషా ఒక్క రాజమౌళి విషయంలోనే.
అంతగా తన సినిమాల మీద ప్రభావం చూపిస్తున్నారు. రాజమౌళి అంటే బడ్జెట్ పెరుగు తున్నా నిర్మాత భయపడడు. అందుకు కారణం పెట్టిన రూపాయికి నాలుగింతలు లాభాలు తెచ్చిపెడతారు కాబట్టి. నేను నిర్మాతతో బడ్జెట్ కాస్త ఎక్కువే పెట్టిస్తానని స్వయంగా ఎప్పుడో 2010లోనే ఓ ఇంటర్వ్యూలో చెప్పుకొచ్చారు. ఇక అప్పుడు సరదాగా అనుకున్న మాటలు ఇప్పుడు రామ్ చరణ్ – ఎన్.టి.ఆర్లతో మల్టీస్టారర్ చిత్రం ఆర్ఆర్ఆర్ తీసి నిజం చేశారు. దాదాపు 12 ఏళ్ళ క్రితం నాకు మల్టీస్టారర్ తీయాలనే కోరిక ఉంది అని అన్న జక్కన్న బాహుబలి సిరీస్, ఇప్పుడు ఆర్ఆర్ఆ సినిమాలతో
అది నెరవేర్చుకున్నారు.
RRR: ఈ వీడియో సోషల్ మీడియాలో తెగ వైరల్ అవుతోంది.
అంతేకాదు, తెలుగు వాడి వేడి ఏ రేంజ్లో ఉంటుందో ఈ సినిమాలతో ప్రపంచానికి చాటి చెప్పారు. ఇదిలా ఉంటే గత వారం వచ్చిన ఆర్ఆర్ఆర్ మైండ్ బ్లోయింగ్ వసూళ్ళతో సత్తా చాటుతోంది. ఈ నేపథ్యంలో బాలీవుడ్ స్టార్ హీరో రణ్వీర్ సింగ్ ఈ మూవీపై, దర్శకుడు రాజమౌళి గురించి ఆసక్తికరమైన వ్యాఖ్యలు చేశారు. ఇటీవల వచ్చిన ‘ఆర్ఆర్ఆర్’ సినిమా హాలీవుడ్ సినిమాలను కూడా బాక్సాఫీస్ వద్ద బీట్ చేసి దూసుకు వెళ్తుంది. ఈ విషయంలో చాలా గర్వంగా ఉంది.. అన్నాడు. అంతేకాదు, ఇదే సమయంలో ఎంతో ఉత్సాహంగా తెలుగులో నాటు నాటు సాంగ్ పాడి సర్ప్రైజ్ చేశాడు. చివరిగా డైరెక్టర్ రాజమౌళి.. ఇలాంటి గ్రేట్ సినిమాలతో ఇండియన్ సినిమాను ప్రపంచమంతా వ్యాపించే లా చెయ్యడం చాలా సంతోషంగా ఉంది.. అంటూ ప్రశంసల వర్షం కురిపించాడు. ఇప్పుడు ఈ వీడియో సోషల్ మీడియాలో తెగ వైరల్ అవుతోంది.
. @RanveerOfficial ❤️ #RRRMovie pic.twitter.com/SHHZNq97ki
— RRR Movie (@RRRMovie) March 28, 2022