Brahmamudi February 17 2024 Episode 335: రాజ్ శ్వేత తో మాట్లాడుతూ ఉంటే కావ్య మీరు శ్వేత తో మాట్లాడుకొండి అని బెడ్ షీట్ తీసుకుని కావ్య బయటకు వెళ్తుంది. మళ్ళీ వెంటనే లోపలికి వచ్చి అమ్మో మీరు నేను కలిసి ఉండటం లేదని ఇంట్లో వాళ్ళందరికీ తెలిస్తే ఇంకేమైనా ఉందా పెద్ద గొడవ చేస్తారు. మీ మాటలు నాకు వినిపించకుండా ఉండాలంటే చెవిలో దూదులు కూడా పెట్టుకుంటాను. మీరు హ్యాపీగా మాట్లాడుకోండి శ్వేతతో అని కావ్య రివర్స్ డ్రామా ప్లే చేస్తుంది. కావ్య రాజ్ తో నేను రేపు మీకు ఒక సర్ప్రైజ్ ఇస్తాను అని కావ్య చెబుతుంది. ఆ సర్ప్రైజ్ ఏంటో అర్థం కాక రాజ్ గిలగిలా కొట్టుకుంటూ ఉంటాడు. అసలు కావ్య నాకు ఇచ్చే సర్ప్రైజ్ ఏంటి. తను కావాలని నన్ను ఆటపట్టిస్తుందా లేదంటే నిజంగా ఏమైనా సర్ప్రైజెస్ ఇస్తుందా..
అదేంటో తెలుసుకోవాలని రాజ్ ఆత్రంగా కావ్య నిద్రపోతుంటే.. తనని లేపి మరి నువ్వు నాకు ఏదో సర్ప్రైజ్ ఇస్తాను అని చెప్పావు కదా అదేంటో నాకు చెప్పు అని రాజ్ కావ్యని అడుగుతాడు. ఇప్పుడు గనక మీరు గొడవ చేస్తే అసలు నేను చెప్పను కాక చెప్పను. రేపొద్దున చెప్తానని చెప్పాను కదా.. ఇప్పుడే చెప్పేస్తే అది సర్ప్రైజ్ ఎలా అవుతుంది? మీరు నిద్రపోండి మీరు నిద్ర పోలేదంటే నేను బెడ్ షీట్ తీసుకొని బయట హాల్లోకి వెళ్ళిపోతాను. అప్పుడు ఎంత గొడవ అవుతుందో మీకు తెలుసు. ఆ తర్వాత మీరే ముద్దయీ ఇలాగ అందరి ముందు నిర్దోషి లాగా నిలబడాల్సి వస్తుంది. అది మీకు ఇష్టమైతే నన్ను లేపండి లేదంటే నిద్రపోండి రేపొద్దున సర్ప్రైజ్ ఏంటో చెబుతాను కదా అని కావ్య రాజ్ కి వార్నింగ్ ఇస్తుంది.
ఇక కావ్య మాటలు అర్థం చేసుకున్న రాజ్ రాక్షసి నువ్వు చెప్పాల్సింది చెప్పావు. నాకే అర్థం కాకుండా చచ్చిపోతున్నాను అని రాజ్ మనసులో అనుకుంటాడు. ఇక రేపు ఉదయం రాజ్ నిద్రలేచేసరికి కావ్య తన గదిలో కనిపించదు. ఇంతకీ ఆ సర్ప్రైజ్ ఏంటో తెలుసుకోవాలని రాజు కావ్య చుట్టూ తిరుగుతూ ఉంటాడు. అవును కావ్య తనకి ఏదో సర్ప్రైజ్ ఇస్తాను అని చెప్పింది . ఇంకా అదేంటి చెప్పలేదు అని అనుకుంటాడు. ఇక తనతో పాటు వంటగదిలో కూడా వెళ్లి అదేంటో చెప్పమని అడుగుతాడు . వాళ్ళ బామ్మనీ కూడా ఆ సర్ప్రైజ్ ఏంటో చెప్పమని అడుగుతాడు. తను నాకు అది తెలియదు అని అంటుంది. అప్పుడు కావ్య నేను ఇప్పుడు ఎయిర్పోర్టుకు వెళుతున్నాను. ఎయిర్పోర్టుకు వెళ్లి వచ్చిన తర్వాత సర్ప్రైజ్ ఏంటో మీకు అర్థమవుతుంది అని కావ్య అంటుంది.
రాజ్ ఆ సర్ప్రైజ్ ఏంటో చెప్పమని కావ్యను అడగగా.. కావ్య అప్పుడు మా బావ అమెరికా నుంచి వస్తున్నాడు. అదే సర్ప్రైజ్. మా బావ ఆరు అడుగుల ఎత్తు ఉంటాడు. అందంగా ఉంటాడు. తన వెనకమాల అందరూ అమ్మాయిలు తిరిగేవాళ్లు.. మీరే కనుక నన్ను పెళ్లి చేసుకోకపోయి ఉంటే నేను ఆయన్ని పెళ్లి చేసుకుని ఉండేదాన్ని అని వాళ్ళ బావ గురించి గొప్పగా, రాజ్ కుల్లుకునే విధంగా కావ్య చెబుతూ ఉంటుంది. ఇక నేను ఎయిర్పోర్ట్ కి వెళ్లి మా బావను నేరుగా ఆఫీసుకు తీసుకువచ్చి మీకు పరిచయం చేస్తాను అని కావ్య రాజ్ ని ఏడిపించించేటట్టు మాట్లాడుతుంది. ఇక రాజ్ కావ్య మాటలు విన్న తర్వాత ఇంకాస్త కోపంతో రగిలిపోతూ ఉంటాడు. ఇంతకీ మీ బావ పేరేంటి అని రాజ్ అడుగగా.. కావ్య సిగ్గుపడుతూ బావే అని అంటుంది.
ఆఫీస్ కి వెళ్ళిన రాజ్ కావ్య ఎప్పుడెప్పుడు తన బావని తీసుకువస్తుందా.. తను ఎలా ఉంటాడో అని రాజ్ అనుకుంటూ ఉంటాడు. శ్వేత రాజ్ ను చూస్తూ నవ్వుకుంటూ ఉంటుంది.
రాజ్ కి కావ్య మీద ఉన్న ప్రేమ కనిపిస్తుంది. కావ్య కి మాత్రం రాజ్ తన ప్రేమ ఎక్స్ప్రెస్ చేయడు. సీరియల్ కి కొత్త క్యారెక్టర్ ఎంట్రీ ఇచ్చేస్తాడు. కావ్య తన బావను తీసుకుని ఆఫీస్ కి వస్తుంది. తను ఎవరు, ఎలా ఉంటాడో చూడాలంటే తరువాయి భాగం వరకు వేచి చూడాల్సిందే.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!