Sandeep Reddy Vanga: ఆపితే హాలీవుడ్ కి వెళ్ళిపోతా డైరెక్టర్ సందీప్ రెడ్డి వంగా… వీడియో వైరల్..!!

Sandeep Reddy Vanga: ఇండియన్ ఫిలిం ఇండస్ట్రీలో ప్రజెంట్ దర్శకులలో సందీప్ రెడ్డి వంగా ట్రెండ్ సెట్టర్ సినిమాలు చేస్తున్నారు. ఒకప్పుడు రాంగోపాల్ వర్మ సినిమాలు చిత్రీకరించడంలో కొత్త కోణాన్ని ఆవిష్కరించిన దర్శకుడిగా ఇండస్ట్రీని షేక్ చేశారు. అప్పటివరకు దర్శకులు ఓ రకమైన సినిమాలు చేస్తే రాంగోపాల్ వర్మ అంతకుమించి సినిమా సరిహద్దులు దాటి సరికొత్త జోనర్ లను టచ్ చేస్తూ సినిమాలు అందించారు. ఆ రకంగా దక్షిణాదిలో బాలీవుడ్ లో కూడా సత్తా చాటారు. ఇప్పుడు అదే రకంగా సందీప్ రెడ్డి వంగా పనితీరు పట్ల చాలామంది ప్రశంసలు కురిపిస్తున్నారు. “అర్జున్ రెడ్డి” సినిమాతో కెరియర్ ఆరంభించి అదే సినిమాని బాలీవుడ్ లో “కబీర్ సింగ్” గా తీసి బ్లాక్ బస్టర్స్ అందుకున్నారు.

ఇటీవల “యానిమల్” తో మరో బ్లాక్ బస్టర్ అందుకుని బ్యాక్ టు బ్యాక్ హిట్స్ తో హ్యాట్రిక్ అందుకున్నారు. “యానిమల్” సినిమా పాన్ ఇండియా నేపథ్యంలో విడుదలయ్యి అందరిని ఆకర్షించింది. ఇదే సమయంలో కొంతమంది నెగటివ్ కామెంట్లు కూడా చేయడం జరిగింది. సందీప్ రెడ్డి సినిమాలకు నెగిటివ్ కామెంట్లు సర్వసాధారణం. ముఖ్యంగా స్త్రీలను తక్కువ చేసి చూపిస్తారని చాలామంది విమర్శలు చేస్తున్నారు. ఈ రకంగా బాలీవుడ్ ఇండస్ట్రీలో చాలామంది ప్రముఖులు స్టార్ హీరోల భార్యలు నెగిటివ్ కామెంట్స్ చేశారు. ప్రముఖ స్టార్ హీరో అమీర్ ఖాన్ మాజీ భార్య కిరణ్ రావు కూడా విమర్శించారు. అయితే వాటికి తనదైన శైలిలో కౌంటర్ ఇవ్వడం జరిగింది.

ఇదిలా ఉంటే సందీప్ కెరియర్ స్టార్టింగ్ లో ఓ ప్రముఖ తెలుగు టీవీ ఛానల్ లో ఇంటర్వ్యూ ఇవ్వటం జరిగింది. ఆ సమయంలో మీ సినిమాలు ఆపేయటం పట్ల మీ స్పందన ఏంటి అంటే ఎక్కడ ఆపేస్తే ఇతర భాషల్లో సినిమా చేస్తాను. భోజ్పురి, మరాఠీ, మలయాళం, కన్నడ, తమిళం ఇలా ఏ భాషలో అయినా సినిమా చేసే హక్కు నాకుంది. ఒకవేళ ఈ దేశంలో ఆపేస్తే హాలీవుడ్ లో సినిమా చేసే సత్తా ఉంది అని సందీప్ రెడ్డి వంగ ఓ ప్రముఖ తెలుగు టీవీ ఛానల్ కి ఇచ్చిన ఇంటర్వ్యూ వీడియో తాజాగా సోషల్ మీడియాలో వైరల్ అవుతుంది. “అర్జున్ రెడ్డి” సినిమా ఆపేయాలని స్టార్టింగ్ లో థియేటర్లో ఆడవాళ్లు హడావిడి చేశారు. ఆ తర్వాత సందీప్ వంగా బాలీవుడ్ లో సినిమాలు చేస్తున్నారు. ఇప్పుడు అక్కడ కూడా సినిమా సెలబ్రిటీల నుండి నెగటివ్ కామెంట్లు వస్తూ ఉండటంతో ఈ వీడియో పోస్ట్ చేసి ప్రభాస్ తో చేయబోయే “స్పిరిట్” హాలీవుడ్ లో కూడా విడుదల చేయాలని ఫ్యాన్స్ డిమాండ్ చేస్తున్నారు.

"If they stop me in India, I will go to Hollywood"🔥@imvangasandeep 🛐
Need such confidence in life 🔥#Spirit tho Hollywood ki povalAnna ❤️‍🔥#Prabhas #RanbirKapoor #SandeepReddyVanga pic.twitter.com/PMG2XhGSg0

— Ayyo (@AyyAyy0) February 15, 2024