Jagapathi babu : ఒకప్పుడు దక్షిణాది సినీ ఇండస్ట్రీలో కుటుంబ కథా చిత్రాలలో ఎంతో అద్భుతంగా నటించి ఎంతో మంది ఫ్యామిలీ ఆడియన్స్ కి ఫేవరేట్ హీరో గా ఇండస్ట్రీలో ఓ వెలుగు వెలిగిన హీరోలలో జగపతిబాబు ఒకరని చెప్పవచ్చు.ఎన్నో కుటుంబ కథా చిత్రాల్లో నటించి మంచి గుర్తింపును సంపాదించుకున్న జగపతి బాబు కొద్ది రోజుల తర్వాత ఇండస్ట్రీలో తన సెకండ్ ఇన్నింగ్స్ ను ప్రారంభించారు. విలక్షణ నటుడిగా, అన్నగా, తండ్రిగా ఎన్నో విభిన్న పాత్రలలో నటిస్తూ మరోసారి తన నటనను నిరూపించుకున్నారు జగపతి బాబు. కేవలం తెలుగులో మాత్రమే కాకుండా పలు భాషలలో విభిన్న పాత్రలలో నటిస్తూ బిజీగా ఉన్నారు.
తాజాగా నాచురల్ స్టార్ నాని నటిస్తున్న “టక్ జగదీష్”ఈ చిత్రంలో జగపతి బాబు కీలకమైన పాత్రలో కనిపించనున్నారు. ఈ సినిమాలో నానికి అన్నయ్యగా, జగపతిబాబు కనిపించనున్నారు. అయితే ఇది వరకు చిరంజీవి, బాలకృష్ణ నటించిన “అన్నయ్య” , “పెద్దన్నయ్య” తరహాలో కాకుండా ఈ అన్నయ్య కొంత భిన్నంగా కనిపిస్తారు. ఈ సినిమాలో జగపతిబాబు పాత్రకు సంబంధించి ప్రస్తుతం ఇండస్ట్రీ వర్గాల్లో ఇంట్రస్టింగ్ గాసిప్ చక్కర్లు కొడుతోంది.
జగపతిబాబు పాత్రలో డార్క్ సీక్రెట్స్:
తాజాగా ఈ సినిమాకి సంబంధించిన టీజర్‌లో జగపతిబాబు చాలా సాఫ్ట్‌గా, ఒక ఉమ్మడి కుటుంబంలో సభ్యుడిగా కనిపించారు. అయితే టీజర్ లో చూపించినట్టుగా జగపతిబాబు సాఫ్ట్ గా కాకుండా, జగపతి బాబు పాత్రలో డాగ్ సీక్రెట్స్ ఉన్నాయట.ఆ సీక్రెట్స్, పాత్ర నెగిటివ్ షేడ్స్ ఈ సినిమాలో పెద్ద ట్విస్ట్ అనే సమాచారం వినబడుతోంది. అయితే ఇందులో ఎంత నిజముందో అనే విషయం తెలియాలంటే ఈ సినిమా విడుదలయ్యే వరకు వేచి ఉండాల్సిందే. ఇప్పటికే టీజర్ విడుదల చేసుకున్న ఈ సినిమా ప్రేక్షకులను ఎంతగానో ఆకట్టుకుంది.శివ నిర్వాణ దర్శకత్వంలో, షైన్ స్క్రీన్స్ బ్యానర్‌పై సాహు గారపాటి, హరీష్ పెద్ది నిర్మిస్తున్న ఈ చిత్రంలో నాని సరసన రీతు వర్మ, ఐశ్వర్య రాజేష్ నటిస్తున్నారు. ఈ సినిమాకి ఎస్.ఎస్ తమన్ సంగీతం అందించారు.ఏప్రిల్ 23 న ఈ సినిమా ప్రేక్షకుల ముందుకు రానున్నట్లు చిత్రబృందం ప్రకటించిన విషయం తెలిసిందే.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!