గుజ‌రాతీ నేర్చుకుంటున్న క‌మ‌ల్‌

క‌మ‌ల్ హాస‌న్‌, శంక‌ర్ కాంబినేష‌న్‌లో రూపొందిన చిత్రం `ఇండియ‌న్`కి సీక్వెల్‌గా `ఇండియ‌న్ 2` సినిమా రూపొందుతోంది. ప్ర‌స్తుతం మ‌ధ్యప్ర‌దేశ్‌లో షూటింగ్ జ‌రుగుతోంది. ఇటీవ‌ల స్టార్ట్ అయిన ఈ షెడ్యూల్‌లో భారీ యాక్ష‌న్ స‌న్నివేశాల‌ను చిత్రీక‌రించారు. దానికి కొన‌సాగింపుగా స‌న్నివేశాల చిత్రీక‌ర‌ణ జ‌రుగుతున్నాయి. లేటెస్ట్ స‌మాచారం మేర‌కు ఈ సినిమాలో కొన్ని సన్నివేశాల్లో గుజ‌రాతీ మాట్లాడే స‌న్నివేశాల్లో న‌టించాల్సి ఉంది. దాని కోసం క‌మ‌ల్‌హాస‌న్ గుజ‌రాతీ నేర్చుకుంటున్నార‌ట‌. కాజ‌ల్ అగ‌ర్వాల్ హీరోయిన్‌గా న‌టిస్తున్న ఈ చిత్రంలో సిద్ధార్థ్, ర‌కుల్ ప్రీత్ త‌దిత‌రులు కీల‌క పాత్ర‌ల్లో న‌టిస్తున్నారు.