Allu Arjun : స్టైలిష్ స్టార్ అల్లు అర్జున్ గత ఏడాది “అలా వైకుంఠపురం లో” ఈ సినిమాతో భారీ బ్లాక్ బస్టర్ విజయం నమోదు చేసుకుని హిట్ ట్రాక్ ఎక్కిన సంగతి తెలిసిందే. త్రివిక్రమ్ దర్శకత్వంలో వచ్చిన ఈ సినిమా బన్నీ కెరీర్ లోనే బిగ్గెస్ట్ బ్లాక్ బస్టర్ గా నిలవడమే కాక గత ఏడాది ఇండస్ట్రీ హిట్ తో పాటు టాలీవుడ్ బాక్సాఫీస్ దగ్గర నాన్ బాహుబలి రికార్డులను పగల కొట్టి కొత్త రికార్డులను క్రియేట్ చేసింది. దీంతో మంచి జోరు మీద ఉన్న బన్ని.. ప్రస్తుతం తన కెరియర్ లో ఆర్య, ఆర్య 2 వంటి స్టైలిష్ సినిమాలు ఇచ్చిన డైరెక్టర్ సుకుమార్ తో “పుష్ప” సినిమా చేస్తున్న సంగతి తెలిసిందే.
ఈ సినిమాలో గంధపు చెక్కల స్మగ్లర్ గా మాత్రమేకాక లారీ డ్రైవర్ పాత్రలో బన్నీ క్యారెక్టర్ ఉండబోతున్నట్లు మొదటి నుండి ఇండస్ట్రీ టాక్. ఇదిలా ఉంచితే ఈ సినిమాలో బన్నీ లుక్స్ పరంగా చూసుకుంటే గుబురు గడ్డంతో పాటు జుట్టు భయంకరంగా ఉండటంతో..పాన్ ఇండియా లెవెల్ లో సినిమా తెరకెక్కుతున్న తరుణంలో అంచనాలు ఓ రేంజిలో ఉన్నాయి. ఇప్పటికే ఈ సినిమాలో బాలీవుడ్ ఇండస్ట్రీకి చెందిన చాలామంది నటీనటులు నటిస్తున్నారు.
అయితే ఈ సినిమాలో విలన్ పాత్ర కు సంబంధించి మొదటి నుండి అనేక పేర్లు వినబడుతూ ఉన్నాయి. కానీ వాటన్నింటిలో ఏది కూడా కన్ఫామ్ చేయలేదు సినిమా యూనిట్. ఇదిలా ఉంటే రీసెంట్ గా ఈ సినిమాలో విలన్ పాత్ర లో మలయాళం ఇండస్ట్రీకి చెందిన ప్రముఖ యాక్టర్ ఫహద్ ఫసిల్ ని సుకుమార్ తీసుకోవటం జరిగిందట. మలయాళంలో ఎంతో పేరుగాంచిన ఈ యాక్టర్ .. పుష్పాల్లో ఉంటే ఖచ్చితంగా… అల్లు అర్జున్ కి మంచి మార్కెట్ ఉండటంతో ఓపెనింగ్స్ భారీ స్థాయిలో వస్తాయని .. భావించి అతనికి విలన్ క్యారెక్టర్ కేటాయించినట్లు ఫిలిం నగర్ టాక్.