Operation Valentine: మెగా ప్రిన్స్ వరుణ్ తేజ్ నటించిన “ఆపరేషన్ వాలెంటైన్” మార్చి ఒకటవ తారీకు రిలీజ్ కాబోతోంది. హిందీ మరియు తెలుగు భాషల్లో రిలీజ్ చేస్తున్నారు. బాలీవుడ్ దర్శకుడు శక్తి ప్రతాప్ సింగ్ దర్శకత్వం వహించిన ఈ సినిమా అతి తక్కువ సమయంలోనే కంప్లీట్ చేయడం జరిగింది. మొన్ననే తెలుగులో సినిమా ఫ్రీ రిలీజ్ ఈవెంట్ జరిగింది. ఈ కార్యక్రమానికి చిరంజీవి ముఖ్యఅతిథిగా హాజరయ్యారు. కొడుకు సినిమా కావటంతో తండ్రి నాగబాబు కూడా హాజరయ్యారు. ఈ క్రమంలో నాగబాబు ఇచ్చిన స్పీచ్ కాంట్రవర్సీ గా మారింది. ఈవెంట్లో పోలీస్ క్యారెక్టర్ల పై.. చేసిన వ్యాఖ్యలకు నెగిటివ్ కామెంట్స్ వచ్చాయి.
నాగబాబు ఇచ్చిన స్పీచ్.. “పోలీస్ పాత్రలంటే ఆరడుగుల మూడు అంగుళాలు ఉండే వ్యక్తులు చేస్తే బాగుంటుంది. ఐదు అడుగుల మూడు అంగుళాల వ్యక్తులు చేస్తే చూడ్డానికి చాలా ఎటకారంగా ఉంటుందని” వ్యాఖ్యానించారు. దీనిపై సోషల్ మీడియాలో తీవ్రస్థాయిల విమర్శలు వచ్చాయి. ఇతర హీరోల అభిమానులు ఫైర్ అయ్యారు. ఆఖరికి పోలీస్ శాఖలో ఉన్న సిబ్బందిని కూడా అవమానించేలా ఉన్నాయని విమర్శలు గట్టిగా వచ్చాయి. అయితే తాను చేసిన వ్యాఖ్యల పట్ల ట్విట్టర్ లో నాగబాబు క్షమాపణలు చెప్పారు.
“ఇటీవల జరిగిన వరుణ్ బాబు ‘ఆపరేషన్ వాలెంటైన్’ ప్రీ రిలిజ్ ఈవెంట్ లో నేను పోలిస్ క్యారెక్టర్‌ 6 అడుగుల మూడు అంగుళాలు ఉండే వ్యక్తులు చేస్తే బాగుంటుంది 5 అడుగుల మూడు అంగుళాలు వ్యక్తులు చేస్తే నొప్పదు అన్నట్టు మాట్లాడాను,ఆ మాటలు నేను వెనక్కి తీస్కుంటున్నాను,ఎవరైన ఆ మాటలకి నొచ్చుకునుంటే I’m Really Very sorry,అది యాదృచ్ఛికంగా వచ్చిందే కాని Wanted గా అన్న మాటలు కాదు,అందరు అర్ధం చేసుకుని క్షమిస్తారని ఆశిస్తున్నాను..” ఇట్లు మీ నాగబాబు అని క్షమాపణలు చెబుతూ పోస్ట్ పెట్టడం జరిగింది.