మ‌రో రెండు సినిమాల ప్లానింగ్‌లో నాని

నేచుర‌ల్‌స్టార్ నాని విక్ర‌మ్ కుమార్ ద‌ర్శ‌క‌త్వంలో `నాని గ్యాంగ్ లీడ‌ర్‌` సినిమాతో పాటు మోహ‌న‌కృష్ణ ఇంద్ర‌గంటి ద‌ర్శ‌క‌త్వంలో రూపొందుతున్న `వి` సినిమాతో బిజీగా ఉన్నాడు. ఈ సినిమాలు పూర్తి అవ‌క‌ముందే నాని మ‌రో సినిమాల‌కు లైన్ క్లియ‌ర్ చేసుకుంటున్న‌ట్లు వార్త‌లు విన‌ప‌డుతున్నాయి. అందులో ఒక‌టి గీతాఆర్ట్స్ బ్యాన‌ర్‌పై ప‌రుశురాం ద‌ర్శ‌క‌త్వంలో రూపొంద‌నుండ‌గా.. మ‌రో చిత్రం వ‌క్కంతం వంశీ ద‌ర్శ‌క‌త్వంలో రూపొంద‌నుంద‌ట‌. `నాపేరు సూర్య నా ఇల్లు ఇండియా` త‌ర్వాత వ‌క్కంతం వంశీ తెర‌కెక్కించ‌బోయే చిత్ర‌మిది. ఈ చిత్రానికి బండ్ల గ‌ణేష్ నిర్మాత‌గా వ్య‌వ‌హ‌రిస్తాడ‌ని టాక్‌.