Bheemla Nayaak: ఫస్ట్ టైం పవన్ కళ్యాణ్(Pawan Kalyan) .. దగ్గుబాటి రానా(Daggubatti Rana)తో కలిసి నటిస్తున్న సినిమా “భీమ్లా నాయక్”(Bheemla Nayak). సాగర్ కే చంద్ర(Sagar K Chendra) దర్శకత్వంలో తెరకెక్కుతున్న ఈ సినిమా మలయాళం “అయ్యప్పన్ కోషియమ్” సినిమాకి రీమేక్ గా వస్తుంది. పవన్ కళ్యాణ్(Pawan Kalyan) సినిమాలో పోలీస్ ఆఫీసర్ పాత్రలో నటిస్తుండగా రానా రిటైర్డ్ ఆర్మీ పాత్రలో కనిపిస్తున్నాడు. ఇప్పటికే ఈ సినిమాకి సంబంధించి రిలీజ్ అయిన ఫోటోలు.. వీడియోలు మరియు పాటలు సోషల్ మీడియాలో సరికొత్త రికార్డులు సృష్టిస్తున్నయి.
ముఖ్యంగా తమన్ అందించిన “భీమ్లా నాయక్” టైటిల్ సాంగ్ కి బీభత్సమైన ఆదరణ వస్తూ ఉంది. ఎక్కడ కాలేజీ ఫంక్షన్ లో అయినా.. పెళ్లి ఫంక్షన్లో ఆయన రెండు తెలుగు రాష్ట్రాలలో ఈ పాట మారుమ్రోగుతోంది. ఇటువంటి తరుణంలో మరికొద్ది రోజుల్లో కొత్త సంవత్సరంలో అడుగుపెడుతున్న క్రమంలో….”భీమ్లా నాయక్” సినిమా నుండి సరికొత్త న్యూ ఇయర్ గిఫ్ట్ గా ….”భీమ్లా నాయక్”.. టైటిల్ సాంగ్ డీజే రూపంలో.. అందించడానికి సినిమా యూనిట్ రెడీ అయ్యింది. గతంలో రిలీజైన టైటిల్ సాంగ్ కంటే మరింత జోష్ నింపే రీతిలో బాణీలు ఉన్నట్లు సినిమా యూనిట్ నుండి అందుతున్న టాక్. తమన్ ప్రత్యేక శ్రద్ధ పెట్టి ఈ “భీమ్లా నాయక్” టైటిల్ డీజే సాంగ్ ఇచ్చినట్లు సమాచారం. గ్యారెంటీ గా సినిమాకి ఈ సాంగ్ హైలైట్ గా నిలుస్తుందని ఇండస్ట్రీ టాక్.
ఇదిలా ఉంటే ఈ సినిమా సంక్రాంతి పండుగ సందర్భంగా జనవరిలో రిలీజ్ కావాల్సి ఉండగా RRR, రాదేశ్యం వంటి పెద్ద సినిమాలు రిలీజ్ అప్పుడే చేయడంతో పాటు మూడు పెద్ద సినిమాలు ఒకేసారి రావడం వల్ల ఇండస్ట్రీకి నష్టం వాటిల్లే అవకాశం ఉండటంతో పవన్ కళ్యాణ్ తన సినిమాని ఫిబ్రవరి మాసానికి వాయిదా వేసుకోవడం జరిగింది. మహాశివరాత్రి సందర్భంగా ఫిబ్రవరి 25 వ తారీఖున భీమ్లానాయక్.. రిలీజ్ చేయనున్నారు. ఈ క్రమంలో కొత్త ఏడాది భీమ్లానాయక్ టైటిల్ కి సంబంధించి డిజె సాంగ్ వస్తున్నట్లు తాజాగా ఈ సినిమా యూనిట్ ప్రకటించడంతో పవన్ ఫ్యాన్స్ ఫుల్ ఖుషీగా ఉన్నారు.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!