Pushpa: పుష్ప సినిమా హవా నేటికీ కొనసాగుతోంది. అల్లు అర్జున్ – సుకుమార్ కాంబినేషన్లో తెరకెక్కిన ‘పుష్ప: ది రైజ్’ సినిమా వచ్చి 5 నెలల గడుస్తున్నా క్రేజ్ ఏమాత్రం తగ్గడం లేదు. పాన్ ఇండియా స్థాయిలో విజయం సాధించిన ఈ యాక్షన్ డ్రామాలో ‘ఊ అంటావా మావా.. ఊఊ అంటావా’ పాట చాలా ప్రత్యేకమైనది. హీరోయిన్ సమంత తన కెరీర్ లో తొలిసారిగా చేసిన ఈ ఐటమ్ సాంగ్.. ప్రేక్షకులను ఉర్రుతలూగించింది. పొట్టి పొట్టి దుస్తుల్లో సామ్ వేసిన స్టెప్పులకు కుర్రాళ్ళు కిర్రెక్కిపోయారు. చిన్న పెద్దా అనే తేడా లేకుండా ప్రతి ఒక్కరూ ఈ పాటకు కనెక్ట్ కావడం విశేషం.
- Read the latest news from NEWSORBIT
- Follow us on facebook , Twitter , instagram and Googlenews
సామాన్యుల నుండి సెలిబ్రిటీల వరకు..
ఇక సామాన్యుల నుండి సెలబ్రిటీల వరకూ ‘ఊ అంటావా’ పాటకు ఉ కొట్టలేకుండా ఉండిపోయారు. దీనికి సంబంధించిన రీల్స్ – సరదా పేరడీ సాంగ్స్ నెట్టింట ఓ రేంజ్ లో వైరల్ అయ్యాయో తెలిసిందే. తెలుగు రాష్ట్రాల్లోనే కాకుండా విదేశాల్లో కూడా ఈ పాట ఓ ఊపు ఊపింది. తాజాగా USAలో ఓ 13 ఏళ్ల చిన్నారి వయోలిన్ వాయిస్తూ ‘ఊ అంటావా.. ఊహు అంటావా’ అంటూ కాలిఫోర్నియా వీధుల్లో సందడి చేసింది. ‘కరోలినా ప్రొట్సెంకో’ అనే అమ్మాయి రాక్ స్టార్ దేవిశ్రీప్రసాద్ స్వరపరిచిన ఈ స్పెషల్ సాంగ్ కు అద్భుతమైన వయోలిన్ కవర్ సాంగ్ చేసి అందరి దృష్టిని ఆకర్షించింది. ప్రస్తుతం ఈ వీడియోలో సోషల్ మీడియాలో వైరల్ గా మారింది.
- Read the latest news from NEWSORBIT
- Follow us on facebook , Twitter , instagram and Googlenews
వయోలిన్ తో దుమ్ముదులుపుతోంది…
అంతకుముందు ఈమె చేసిన ‘శ్రీవల్లి’ వయోలిన్ వెర్సన్ కూడా సోషల్ మీడియాలో వైరల్ అయింది. ఇపుడు తాజాగా ఈ పాటకు పెర్ఫర్మ్ చేసి అందరి దృష్టిని ఆకర్శించింది. ఎక్కడో కాలిఫోర్నియాలో ఉన్న ఈ అమ్మాయి.. ‘పుష్ప’ పాటలను ప్లే చేస్తోందంటే ఈ సినిమా క్రేజ్ ఎల్లలు దాటిందనే చెప్పాలి. ఈ సినిమాలోని సాంగ్స్ తో పాటుగా పుష్పరాజ్ గా బన్నీ మ్యానరిజం, డైలాగ్స్ మరియు సింపుల్ స్టెప్పులు దేశ విదేశాలలోని అనేక మందిని ఆకర్శించడం కొసమెరుపు. ‘తగ్గేదే లే’ అంటూ సెలబ్రెటీలు క్రికెటర్లు.. వాళ్లు వీళ్లు.. అని తేడా లేకుండా హంగామా సృష్టించారు.
Baahubali: సరికొత్త కథతో ఓటీటీలోకి వచ్చేస్తున్న బాహుబలి.. రిలీజ్ డేట్ ఇదే..!