Mahesh-Balakrishna: ద‌ర్శ‌క‌ధీరుడు రాజ‌మౌళి, సూపర్ స్టార్ మహేష్ బాబు కాంబినేష‌న్‌లో ఓ సినిమా తెర‌కెక్క‌బోతున్న సంగ‌తి తెలిసిందే. సీనియర్ నిర్మాత కే.యల్. నారాయణ ఈ సినిమాను నిర్మించ‌బోతుండ‌గా.. స్టార్ రైట‌ర్ విజయేంద్ర ప్రసాద్ క‌థ‌ను అందిస్తున్నారు. అయితే ఈ సినిమాలో మరో స్టార్ హీరో కూడా ఉండ‌నున్నాడ‌ని.. ఆ పాత్ర కోసం న‌టుసింహం నంద‌మూరి బాల‌కృష్ణ‌ను ఎంపిక చేశార‌ని గ‌త కొద్ది రోజుల నుంచీ వార్త‌లు వస్తున్న సంగ‌తి తెలిసిందే.
అయితే ఈ వార్త‌ల‌పై రాజ‌మౌళి ఫుల్ క్లారిటీ ఇచ్చేశారు. పూర్తి వివ‌రాల్లోకి వెళ్తే.. రాజ‌మౌళి ఎంతో ప్ర‌తిష్టాత్మ‌కంగా తెర‌కెక్కిన చిత్రం `ఆర్ఆర్ఆర్`. యంగ్ టైగ‌ర్ ఎన్టీఆర్, మెగా ప‌వర్ స్టార్ రామ్ చ‌ర‌ణ్ హీరోలుగా రూపుదిద్దుకున్న ఈ సినిమా మార్చి 25న ప్ర‌పంచ‌వ్యాప్తంగా విడుద‌ల కాబోతోంది. ఈ నేప‌థ్యంలో రాజ‌మౌళి విసృతంగా ప్ర‌మోష‌న్స్ నిర్వ‌హిస్తున్నారు. ఈ సంద‌ర్భంగా మహేష్ ప్రాజెక్ట్ పై కూడా స్పందించారు.
తాజాగా ఎన్టీఆర్-చ‌ర‌ణ్‌ల‌తో క‌లిసి రాజ‌మౌళి `ఆర్ఆర్ఆర్` ప్రీ రిలీజ్ ఈవెంట్ కోసం బెంగుళూర్ వెళ్ల‌గా.. అక్క‌డ ఓ రిపోర్ట‌ర్ `మహేష్ బాబుతో మీరు తీయ‌బోయే చిత్రంలో బాలకృష్ణ కూడా ఉండ‌నున్నారా..?` అంటూ ప్ర‌శ్నించాడు. అందుకు ఆయ‌న బ‌దులిస్తూ.. `ఈ సినిమాలో బాలకృష్ణ చేయనున్నారనడటంలో ఏమాత్రం నిజం లేదు.
మహేష్ బాబు తప్ప మరో హీరో ఈ సినిమాలో ఉండరు .. ఇది మల్టీ స్టారర్ కాదు` అంటూ చెప్పుకొచ్చారు. అలాగే ప్రస్తుతం తన ఫోకస్ మొత్తం `ఆర్ఆర్ఆర్`పైనే ఉంది. ఇది విడుదలైన తర్వాత కొన్ని రోజుల పాటు గ్యాప్ తీసుకుని మహేష్ సినిమాను స్టార్ట్ చేస్తా అని రాజ‌మౌళి చెప్పుకొచ్చారు. ఇక మొత్తానికి మహేష్ మూవీలో బాల‌య్య లేర‌ని స్ప‌ష్టంగా తేలిపోయింది.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!