Vijay devarakonda – Ram charan: విజయ్ దేవరకొండకు షాకిచ్చిన రామ్ చరణ్..ఇప్పట్లో ఆ ప్రాజెక్ట్ ఉండదు..! ప్రస్తుతం ఇదే న్యూస్ ఫిలిం నగర్ సర్కిల్స్‌లో చక్కర్లు కొడుతోంది. గత ఏడాది విజయ్ దేవకొండతో సుకుమార్ ప్రాజెక్ట్ చేయబోతున్నాడని మేకర్స్ అధికారికంగా ప్రకటించారు. ఫాల్కాన్ క్రియేషన్స్ పతాకంపై కేదార్ శెలగంశెట్టి ఈ సినిమాను నిర్మిస్తున్నట్టు పోస్టర్ కూడా రిలీజ్ చేశారు. అప్పటికే సుకుమార్ ఐకాన్ స్టార్ అల్లు అర్జున్‌తో పుష్ప చిత్రాన్ని ప్రకటించాడు. ఈ సినిమా తర్వాత విజయ్ దేవరకొండ సినిమా పట్టాలెక్కాలి. అయితే కరోనా వేవ్స్ కారణంగా అన్నీ సినిమాల షూటింగ్స్ ఆగిపోయాయి.
దాంతో కొన్ని ప్రాజెక్ట్స్ కూడా క్యాన్సిల్ అయి కొత్త కాంబినేషన్స్ సెట్ అయి ఆ కాంబినేషన్‌లో ప్రాజెక్ట్స్ కూడా ప్రకటించారు. అయితే పుష్ప సినిమా షూటింగ్ అయ్యేసరికి సుకుమార్ రెండు భాగాలుగా తెరకెక్కించాలని డిసైడయ్యారు. ఆ రకంగానే పుష్ప పార్ట్ 1 పూర్తి చేసి రిలీజ్ చేశారు. అలాగే సీక్వెల్ ప్రాజెక్ట్‌ను కూడా 2022, ఫిబ్రవరి నుంచి ఇదే కాంబినేషన్‌లో మొదలవబోతోంది. అయితే ఇటీవల పుష్ప సినిమా సక్సెస్ మీట్‌లో తన నెక్స్ట్ ప్రాజెక్ట్ మెగా పవర్ స్టార్ రాం చరణ్‌తో ఉంటుందని స్వయంగా సుకుమార్ వెల్లడించారు. అలాగే విజయ్ దేవరకొండ సినిమా కూడా ఉంటుందని తెలిపారు.
Vijay devarakonda – Ram charan: ఈ ప్రాజెక్ట్ పూర్తి కావాడానికి 2023 అర్థభాగం కంప్లీట్ అవుతుంది.
కానీ, చరణ్ ప్రాజెక్ట్ ముందుకు వచ్చి విజయ్ దేవరకొండతో చేయాల్సిన ప్రాజెక్ట్ వెనక్కి వెళ్ళినట్టు సుకుమార్ చెప్పిన అప్‌డేట్స్‌లో క్లియర్‌గా అర్థమవుతోంది. పుష్ప పార్ట్ షూటింగ్ పూర్తి చేసి దసరా పండుగ సందర్భంగా రిలీజ్ చేయడానికి సన్నాహాలు చేస్తున్నారు. ఆ తర్వాత సుక్కూ – చరణ్ ప్రాజెక్ట్ పట్టాలెక్కనుంది అంటున్నారు. ఈ ప్రాజెక్ట్ పూర్తి కావాడానికి 2023 అర్థభాగం కంప్లీట్ అవుతుంది. అంటే సుకుమార్ – విజయ దేవరకొండ సినిమా 2023 సమ్మర్ తర్వాతే ఉండే అవకాశాలున్నాయి. ఇక చరణ్, సుకుమార్ సినిమా అంటే అది రంగస్థలం సీక్వెల్ సినిమా అంటున్నారు. త్వరలో దీనిపై క్లారిటీ రానుంది.