Shah Rukh Khan: బాలీవుడ్ బాద్షా షారుక్ ఖాన్ క్రేజ్ గురించి ప్రత్యేకంగా చెప్పనవసరం లేదు. ఇండియాలో ఉన్న హీరోలలో ప్రపంచవ్యాప్తంగా అత్యంత క్రేజ్ కలిగిన హీరో. సరిగ్గా షారుక్ సినిమా హిట్ అయింది అంటే.. వసూళ్లు మామూలుగా ఉండవు. ప్రస్తుతం పటాన్, జవాన్ అనే రెండు సినిమాలు చేస్తున్నాడు. వీటిలో ముందుగా పటాన్ రిలీజ్ కానుంది. ఇదంతా పక్కన పెడితే షారుక్ కొడుకు ఆర్యన్ ఖాన్ అందరికీ సుపరిచితుడే. కొద్ది నెలల క్రితం డ్రగ్స్ కేసులో ఇరుక్కుని… దేశవ్యాప్తంగా వార్తల్లో నిలిచాడు. ఆర్యన్ ఖాన్ బెయిల్ విషయంలో షారుక్ అనేక ఇబ్బందులు ఎదుర్కొన్నాడు. చివరకు ఎలాగోలాగా బెయిల్ సంపాదించి కొడుకుని జైలు నుండి బయటికి తీసుకురావడం జరిగింది.
ఆ తర్వాత ఆర్యన్ ఖాన్.. షారుక్ వ్యాపారాలకు సంబంధించి.. బిజీ అవుతూ కనిపించాడు. లాస్ట్ ఐపీఎల్ టైం లో… కోల్కతా నైట్ రైడర్స్ తరఫున కీలకంగా రాణించాడు. కాగా ఇప్పుడు సిల్వర్ స్క్రీన్ ఎంట్రీ ఇవ్వడానికి సరికొత్త మార్గాన్ని ఆర్యన్ ఖాన్ ఎంచుకోవడం జరిగింది. విషయంలోకి వెళ్తే ముందు దర్శకుడిగా ఆర్యన్ ఖాన్ సినీ ఫీల్డ్ లోకి ఎంట్రీ ఇవ్వటానికి నిర్ణయం తీసుకోవడం జరిగిందంట.
ఈ మేరకు ఇంస్టాగ్రామ్ వేదికగా ఓ పోస్ట్ చేయడం జరిగింది. “రాయడం పూర్తయింది. యాక్షన్ చెప్పడానికి ఎక్కువ కాలం వేచి ఉండలేను” అని … తన ఆత్రుతను వ్యక్తం చేశాడు. ప్రొడక్షన్ హౌస్ రెడ్ చిల్లిస్ ఎంటర్టైన్మెంట్ లో ఈ సినిమా చేయనున్నట్లు బాలీవుడ్ మీడియాలో వార్తలు వైరల్ అవుతున్నాయి. యాక్షన్ ఓరియంటెడ్ తో పాటు రొమాంటిక్ ఫీల్ టచ్ స్క్రిప్ట్ ఆర్యన్ ఖాన్ సిద్ధం చేసినట్లు వార్తలు వస్తున్నాయి. త్వరలోనే ఈ ప్రాజెక్టుకు సంబంధించి అధికారిక ప్రకటన చాలా గ్రాండ్ గా చేయనున్నట్లు సమాచారం.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!