NTR: యంగ్ టైగర్ ఎన్టీఆర్ గురువారం ముంబైలో అడుగు పెట్టడం జరిగింది. “వార్ 2” షూటింగ్ లో పాల్గొనబోతున్నారు. ఈ సినిమాలో ఎన్టీఆర్ పాత్ర దాదాపు 20 నిమిషాలు ఉంటుందని టాక్. హృతిక్ రోషన్ ప్రధాన హీరోగా తెరకెక్కుతున్నా ఈ చిత్రం షూటింగ్ శరవేగంగా జరుగుతోంది. వచ్చే ఏడాది ఆగస్టు 14వ తారీకు సినిమా రిలీజ్ డేట్ ప్రకటించేశారు. ఈ క్రమంలో ఈ సినిమాలో ఎన్టీఆర్ కీలక పాత్ర పోషిస్తున్నారు. ఇందుకోసం గురువారం ముంబై చేరుకోగా.. ఆయన లుక్ చాలా ఫ్రెష్ గా ఉంది. అయాన్ ముఖర్జీ దర్శకత్వం వహిస్తున్న ఈ సినిమాలో కియారా అద్వానీ హీరోయిన్ గా నటిస్తోంది. జాన్ అబ్రహం విలన్ పాత్ర పోషిస్తున్నారు.
“వార్ 2” చిత్రంలో ఎన్టీఆర్ చాలా పవర్ఫుల్ గా కనిపించబోతున్నట్లు బాలీవుడ్ ఇండస్ట్రీలో టాక్ నడుస్తోంది. దాదాపు నెలన్నర రోజులపాటు ఈ సినిమా షెడ్యూల్ లో ఎన్టీఆర్ పాల్గొనబోతున్నట్లు వార్తలు వినిపిస్తున్నాయి. “RRR” తో ఎన్టీఆర్ అంతర్జాతీయ స్థాయిలో విస్తరించింది. “RRR” విడుదలయ్యి రెండు సంవత్సరాలు పైగానే టైం కావస్తుంది. దీంతో ఎన్టీఆర్ సినిమా కోసం ఫ్యాన్స్ ఎదురుచూస్తున్నారు. వాస్తవానికి ఏప్రిల్ 5వ తారీఖు ఎన్టీఆర్ “దేవర” విడుదల కావాల్సింది. కానీ షూటింగ్ చేస్తున్న సమయంలో ఈ సినిమాలో విలన్ పాత్ర చేస్తున్న సైఫ్ అలీ ఖాన్ ఎడమ చేయి ఫ్రాక్చర్ అయింది.
దీంతో సర్జరీ జరగడంతో కొన్ని నెలల పాటు విశ్రాంతి తీసుకోవాల్సి వచ్చింది. ఈ కారణంగా సినిమా ఏప్రిల్ నెలలో విడుదల కావాల్సింది అక్టోబర్ నెలకి వాయిదా పడింది. దేవర రెండు భాగాలుగా రాబోతుంది. కొరటాల శివ దర్శకత్వం వహిస్తున్న ఈ సినిమాకి అనిరుద్ సంగీతం అందిస్తున్నారు. వచ్చేనెల 20వ తారీకు ఎన్టీఆర్ పుట్టినరోజు సందర్భంగా.. “దేవర” మూవీ నుండి సాంగ్ రిలీజ్ అయ్యే అవకాశం ఉన్నట్టు టాక్. ఈ క్రమంలో మధ్యలో గ్యాప్ రావడంతో… ఈలోపు “వార్ 2″లో తన సన్నివేశాలకు సంబంధించిన షూటింగ్ మొత్తం ఎన్టీఆర్ కంప్లీట్ చేసేస్తున్నారు.