shruthi hassan : గత నాలుగు సంవత్సరాల వరకు శృతి హాసన్ మోస్ట్ వాంటెడ్ హీరోయిన్ లలో ఒకరిగా ఉండేవారు. కానీ కొన్ని వ్యక్తిగత కారణాల వల్ల కొద్ది రోజుల పాటు సినిమాలకు దూరంగా ఉన్న ఈ అమ్మడు తిరిగి సినిమాలలో నటిస్తున్నారు. ఈ నేపథ్యంలోనే రవితేజ సరసన నటించిన క్రాక్ సినిమా మంచి విజయాన్ని అందుకోవడంతో శృతిహాసన్ కు వరుస అవకాశాలు వెల్లువెత్తుతున్నాయి. గత కొంతకాలం వరకు శృతి హాసన్ ఓ వ్యక్తితో డేటింగ్ లో ఉందనే వార్తలు చక్కర్లు కొట్టాయి.
శృతి హాసన్ ని గతంలో లండన్ కి చెందిన మైఖేల్ కోర్సలే అనే వ్యక్తితో పీకల్లోతు ప్రేమలో మునిగి పోయింది. వీరి ప్రేమ ప్రయాణం పెళ్లి వరకు వెళ్ళింది. ఇక తరువాయి పెళ్లి చేసుకోవడమే అన్నంతగా ప్రేమలో మునిగి తేలుతున్న ఈ జంట పలు పెళ్లి కార్యక్రమాలకు, వేడుకలకి కూడా హాజరయ్యారు. అయితే వీరిద్దరి మధ్య కొన్ని అభిప్రాయ భేదాలు రావడంతో 2019లో ఈ జంట విడిపోయింది. ఇతనితో విడిపోయిన తర్వాత శృతిహాసన్ ఒంటరిగా ఉంటూ సినిమాల పై శ్రద్ధ పెట్టారు.
శృతిహాసన్ తాజాగా ఇటీవల తన ఇంస్టాగ్రామ్ ద్వారా తన అభిమానులకు చాటింగ్ చేస్తున్న సందర్భంలో ఓ అభిమాని మళ్లీ ప్రేమలో పడ్డారా? అని శృతి హాసన్ ను ప్రశ్నించగా… అందుకు శృతిహాసన్ “బాయ్ ఫ్రెండ్ ఉన్నారు.. నేను ఎప్పుడు ప్రేమలోనే ఉంటానని” చెప్పడంతో ఒక్కసారిగా అభిమానులు గుండె బద్దలయినంత పని అయింది.
ఈ నేపథ్యంలోనే ముంబైలో ఓ వ్యక్తితో కలిసి పలు రెస్టారెంట్లలో మీడియా కంట పడినట్లు ఇదివరకే వార్తలు వచ్చాయి. అయితే తాజాగా శ్రుతి హాసన్ ముంబైలో జనవరి 27న బాయ్ ఫ్రెండ్ చేతిలో చెయ్యేసి రోడ్డుపై కనిపించడంతో ఆ వార్తలు నిజమేనని రుజువయ్యాయి. జీన్స్ ప్యాంటు, టీ షర్టు వేసుకొని, మాస్ ధరించి ఉన్నారు. ఆ వ్యక్తి కూడా స్పెడ్స్ పెట్టుకొని మాస్క్ వేసుకోవడం వల్ల ఎవరనేది మిస్టరీగానే ఉంది. ప్రస్తుతం శృతి హాసన్ తన ప్రియుడితో కలిసి కెమెరాకు చిక్కిన ఈ ఫోటో సోషల్ మీడియాలో వైరల్ గా మారింది.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!